Yahya 19:34 - Alkitab Duri

³⁴ Apa mesa' to surudadu ntossokki doke to sa'de-Na, nata'pa messun to rara sola wai.

Yahya 19:34 ပူးပေါင်းရင်းမြစ်များ

Matius 27:62

Masawanna tonna Allo Katorroanmo, malemi tuu lako kapala imang sola to-Farisi mangngolo lako Gubernur Pilatus,

Yahya 19:33

Ia tonna dete'i lako to Puang Isa, nakitai matemi, te'damo nale'toanni to aje-Na.

Yahya 20:20

Ia tonna mangka mangkada susi joo, mpangpekitanmi liman-Na sola sa'de-Na. Gaja sannangngi sola ngasan ngkita Puang.

Jamanna Rasulu' 22:16

Jaji danggi'mo mubata. Ke'dehmoko, mupangpejioran kalemu. Meta'da tulungko lako Puang anna dampanganko.’ ”

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Ibrani 9:13

Ia to rara beke bulolo' ba'tu rara sapin balian ba'tu au anak sapin mangka dipassompan dipake mpi'pikkii to tocarepa situru' atoranna Nabi Musa, anna wa'ding ssompa Puang. Na ia ke ia joo rara ba'tu au wa'ding mpemaceroi tocarepa situru' atoranna Nabi Musa, la'bih pole' opa ia to rara-Na Almaseh wa'ding mpemaceroi apa to lan penawanta' antawa'ding massompa lako Puang Allataala to tuo, sanga te'damo taparallu ssompai mpake atoran passompan to te'da bua'na. Ia to rara-Na Almaseh wa'ding mpugaukki susi joo, nasaba' ia to Almaseh te'da kasalan-Na. Napatujui Roh Allataala to tuo tarruh to Almaseh napassompan kalena lako Puang Allataala susi karoba te'da caccana.

Ibrani 9:22

Sitonganna ianna situru' atoran agama to-Yahudi, ci'di'mora to te'da nadipemaceroi mpake rara. Susi toomi joo, iapi naden kadidampangan ke dipato'doii rara.

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.

1 Yahya 5:6

Ia to Puang Isa Almaseh nasuai Puang Allataala mentolino. Najio'i Nabi Yahya mpake wai, na ia to rara-Na lolong, tonna dipampang jao kaju sitamben. Jaji manassa kumua mentolinomo to Puang Isa Almaseh, Anak Allataala. Ia to mpamanassai te'da na ia manda to pangjioran-Na, apa moi kamatean-Na. Moi Roh Allataala mpau tooi kumua mentolinomo to Puang Isa Almaseh, na taissen kumua te'da namangnguraga.

1 Yahya 5:8

iamo to Roh Allataala, wai to dipake njio'i, na rara-Na to lolong. Ia tee tallu sangrupara mpamanassai, iamo to kumua mentolinomo to Puang Isa Almaseh.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.