Yahya 19:25 - Alkitab Duri

²⁵ Jio siandah kaju sitamben-Na Puang Isa, ke'dehhi indo-Na Puang Isa sola indoure-Na Puang Isa, na Maryam balinna Klopas sola Maryam Magdalena.

Yahya 19:25 ပူးပေါင်းရင်းမြစ်များ

Matius 12:46

Ia tonna mangkada unapa to Puang Isa lako tobuda, ratumi indo-Na sola sile'to-Na, najenjen bang jio salean. Madoangngi ssikitanni, apa te'da lalan naola, nasaba' gaja buda tau ntalimbungngi to Puang Isa.

Markus 16:9

Ia tonna tuo pole'mo Puang Isa, allo Aha' melambi', mpangpekitanmi kalena lako Maryam Magdalena. Ia joo Maryam, mangka nanii Puang Isa nnula'i pitu setang.

Lukas 2:35

dikua anna kakitanan to apa lan penawanna tau. Na iko Maryam, la sikitako kamasussan, to la mpapolloh buammu susi pa'dang mataran.”

Lukas 23:49

Na sininna to sola-Na Puang Isa, jio tooi to baine nturu'i jio mai tana Galilea, jenjen mambela-bela bangngi ngkita ngasanni joo.

Lukas 24:18

Mesa'i to disanga Kleopas mekutana lako Puang Isa nakua, “Ee, Ambe'! Mbai Kita' manda to toratu jao kota Yerusalem, to te'da taissenni to apa mane' mangka jaji?”

Lukas 8:2

Den ba'tu pira-pira baine undi too nturu'i. Den to mangka naula'i Puang Isa to setang lan mai kalena sola napamalagah jio mai sakinna. Susinna Maryam Magdalena to pitu setang napissenni naula'i lan mai kalena.

Yahya 20:1

Ia tonna marimu-rimu unapa joo allo Aha', malemi Maryam Magdalena lako liang-Na Puang Isa. Nakitami to batu petungu' liang tigesu'mo jio mai ba'ba liang.