Yahya 19:23 - Alkitab Duri

²³ Ia tonna mangkamo napampang surudadu to Puang Isa, naalami to pakean-Na, natawa a'pa'i, sangtawa a'pa'na mesa' tau mputawai. Naala tooi to baju lando-Na. Ia joo baju te'da jai'na, mesa'ra tannun jao mai, sangkalae ratu do'.

Yahya 19:23 ပူးပေါင်းရင်းမြစ်များ

Matius 27:35

Napampangmi to Puang Isa, namane' lloterei to pakean-Na la nanii nnissenni kumua umbonnara to la naputawa.

Markus 15:24

Napampangmi to Puang Isa tonna tatte' kasera makale', namane' lloterei to pakean-Na la nanii nnissenni kumua umbonnara to la naputawa.

Lukas 23:34

Massambajangngi Puang Isa nakua, “Oo, Ambe', dampanganni tee mai tau! Te'da naissenni apa to napugauk.” Namane' lotereii surudadu to pakean-Na la nanii nnissenni kumua umbonnara to la naputawa.

Jamanna Rasulu' 12:4

Ia tonna dijokkomo, napangpesuanni nadipatama pangtarungkuan. Patang torroan surudadu jio disua nnampaii. Ia to sangtorroan sia'pa' surudadu lan. Akkattana mangkapi pangramean Paskah, namane' mbicarai to kara-karana jio olona tobuda.