Yahya 18:8 - Alkitab Duri

⁸ Nakua Puang Isa, “Mangkamo kukua, Aku'mo tee. Ia ke Aku' to miangah, eloranni tee mai tau laen namale ia.”

Yahya 18:8 ပူးပေါင်းရင်းမြစ်များ

Matius 26:56

Apa nang la jaji susi joo, dikua anna jaji to diuki' lan sura'na nabi.” Mangkai joo too pada sipalaianmi to anak gurun-Na ssalaii.

Yahya 10:28

Angkubenni katuoan melo te'da cappa'na, na te'da tarruhmo namasolang. Moi mesa' tau te'da ngkullei rrampai jio mai Aku'.

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 13:36

Mekutanai Simon Petrus lako Puang Isa nakua, “Oo Puang, umbora la tanii male?” Mebalii nakua, “Ia to la kunii male, te'dapa muwa'ding la male lako tee too. Apa keanu'ri mumane' undi lako Aku'.”

Yahya 16:32

La nadete'mi wattunna, na sitonganna wattunnami tee too, kumua la dipasisarak-sarak kamu'. Pada la pole kamu' lako bolami, ammisalaina' mesa-mesa. Apa sitonganna te'da kumesa-mesa, sanga den Ambe' kusolan.

Yahya 18:7

Nakutanai pole'i Puang Isa nakua, “Indara miangah?” Mebalii nakua, “Puang Isa to-Nazaret.”

Yahya 18:9

Mangkada susii joo, najaji to mangka napau jolomo nakua, “Oo Ambe' ia to tonabenna' Ambe', moi mesa' te'da namasolang.”

1 Korintus 10:13

Ia to apa ssede kamu' mpugauk dosa, passede biasa bang ia lako tolino. Apa naingaranni Puang Allataala to basse-Na, na te'da naeloran kamu' disede la'bih na ia to mikulle nnewai. Na ia ke disede kamu' mpugauk dosa, napamawatang kamu' ammikullei nnewai.

2 Korintus 12:9

Te'da nala'paranna' apa napebaliina' nakua, “Kubarakka'iko na ganna'mo joo barakka'-Ku' lako iko, nasaba' iara nala'bih pajan to kuasang-Ku' ke tangpakulleko.” Iamo joo kula'bih masannang mpuji kaleku' ke tangpakullena', nasaba' ia ke tangpakullena', iara joo wattu kusa'dinganni to kuasan-Na Almaseh nnampaina'.

Efesus 5:25

Ee, kamu' muane! Pakamoja'i to bainemi susi Almaseh mangpakamoja' napangkaroban kalena ssulle tomatappa'.

1 Petrus 5:7

Danggi' mipuselangngi to miparalluinna, ma'namo na Puang Allataala nnurusu'i to sininna apa mipuselang, nasaba' Iara mben kamu' kaparalluanmi.