Yahya 18:5 - Alkitab Duri

⁵ Mebalimi tuu lako tau nakua, “Puang Isa to-Nazaret.” Nakua Puang Isa, “Aku'mo tee.” Ia to Yudas to mpangpejokkoanni ke'dehhi jio sola tuu lako tau.

Yahya 18:5 ပူးပေါင်းရင်းမြစ်များ

Matius 2:23

Ia tonna ratumo re', torro jiomi mesa' kota disanga Nazaret. Susimi joo najaji to kadan-Na Puang Allataala mangka napau ba'tu pira-pira nabinna tonna anu' kumua, “La disanga to-Nazaret to Raja Mangpasalama'.”

Matius 21:11

Mebalimi tee mai tau undi nturu'i nakua, “Nabi Isa jio mai kota Nazaret jio tana Galilea.”

Yahya 1:46

Apa mebalii Natanael nakua, “Te'da lalo ia kameloan messun lan mai kota Nazaret.” Mebalimi Filipus nakua, “Malemoko ngkitai.”

Yahya 18:4

Naissen ngasan Puang Isa to apa la jaji lako kale-Na. Jaji malemi ngkandoppi'i tuu lako tau, namekutana nakua, “Indara miangah?”

Yahya 18:6

Ia tonna mebali Puang Isa nakua, “Aku'mo tee,” sorong boko' ngasanni nasisongkan do' litak.

Yahya 19:19

Mangkami massua Gubernur Pilatus nadipale'ke' tee pangnguki' jao kaju sitamben-Na Puang Isa: “Isa to-Nazaret, Raja to-Yahudi.”