Yahya 18:4 - Alkitab Duri

⁴ Naissen ngasan Puang Isa to apa la jaji lako kale-Na. Jaji malemi ngkandoppi'i tuu lako tau, namekutana nakua, “Indara miangah?”

Yahya 18:4 ပူးပေါင်းရင်းမြစ်များ

Kada Bulawan 28:1

Ia to togaja' te'da nadiula' namale palai, apa ia to tomakassing, barani susi singa.

Matius 16:21

Ia joo wattu napamulami Puang Isa mpauanni to anak gurun-Na kumua, “La malena' de' kota Yerusalem, anna pamaparri'na' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Matius 26:2

“Miissen kumua duang allopi na pangramean Paskah, na ia tee Aku', Anak Mentolino, la dipangbenna' kudipampang.”

Matius 26:21

Ia tonna kumande ngasan unapa, nakuamo Puang Isa, “La miingaran tee kadang-Ku' kumua, den kamu' mesa' la mpangpejokkoanna'!”

Matius 26:31

Mangkai joo too, nakuanmi Puang Isa to anak gurun-Na, “Ia tee bongi la misalaina' sola ngasan. Susi to kadan-Na Puang Allataala diuki' lan Sura' Allataala kumua, ‘La kubunoi to tomangrewana, anna sisarak-sarak to bembala'na.’

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 13:11

Naissen Puang Isa to tolampangpejokkoanni, iamo joo nakua kumua, “Maceromo kamu', apa te'dari mimacero ngasan.”

Yahya 18:5

Mebalimi tuu lako tau nakua, “Puang Isa to-Nazaret.” Nakua Puang Isa, “Aku'mo tee.” Ia to Yudas to mpangpejokkoanni ke'dehhi jio sola tuu lako tau.

Yahya 18:7

Nakutanai pole'i Puang Isa nakua, “Indara miangah?” Mebalii nakua, “Puang Isa to-Nazaret.”

Yahya 19:28

Ia tonna issenmi Puang Isa kumua mangka ngasanmi najama to nasuanni Ambe', mangkadami nakua, “Mawakkena'” anna jaji to diuki' lan Sura' Allataala.

Yahya 6:64

Apa den unapa kamu' to te'dapa mimatappa'.” Naissen jolomo Puang Isa kumua indara to la cia' ngkatappa'ii, sola indara to la mpangpejokkoanni.

Jamanna Rasulu' 2:28

Mangkamo' tapakitan to lalan mangnguju lako katuoan tongan. Liwa'na' mario nasaba' da'tanna' taampai.’ ”

1 Petrus 4:1

Mangkami Almaseh mperasai kamapa'dikan jao kaju sitamben. Iamo joo moi kamu' la sadia toda kamu' mperasaii susi to naperasai Almaseh. Sanga ia to tomangkamo mperasai kamapa'dikan susi joo cia'mo mpugauk dosa.