Yahya 18:28 - Alkitab Duri

²⁸ Melambi' unapa nasolanni to Puang Isa jio mai bolana Imang Lompo Kayafas, male lako salassa' gubernur to dinii mangra'tah kara-kara. Apa te'da namentama salassa' gubernur to pekaamberan to-Yahudi, dikua danggi' nacarepa situru' atoran agama, nawa'ding kumande kande Paskah.

Yahya 18:28 ပူးပေါင်းရင်းမြစ်များ

Kada Bulawan 1:16

Ia to tosusi joo, gaja doi' mpugauk kagajatan, namarippa' papatean.

Kada Bulawan 4:16

Tangnapumamma' togaja' ke te'da napugauk kagajatan, te'da narapa' penawanna ke te'dapi nancilakai tau.

Matius 27:27

Nabawami surudadunna Gubernur Pilatus to Puang Isa tama salassa' gubernur, namane' ntambai ngasanni to solana anna talimbungngi.

Markus 15:16

Nabawami surudadu to Puang Isa lako to dinii rra'tah kara-kara, lan salassa' gubernur, namane' ntambai ngasanni to solana anna sirempun.

Lukas 22:66

Melambi' unapa nasirempunmo to Pangbicara Agama, iamo to pekaamberan to-Yahudi ba'tu kapala imang sola guru agama. Na dipangngolo to Puang Isa lako tuu lako tau.

Yahya 11:55

Na ia joo wattu madoi'mo to pangrameanna to-Yahudi disanga pangramean Paskah. Na buda tau jio mai kampong malemo de' kota Yerusalem mpemaceroi kalena situru' atoran agamanna, namane' wa'ding mang-Paskah.

Yahya 18:13

Napangngoloi to Puang Isa jolo' lako Hanas, ambe' matuanna Kayafas. Na ia to Kayafas iamo Imang Lompo joo taun.

Yahya 18:15

Simon Petrus sola mesa' anak guru laen mpeundii Puang Isa. Ia joo solana Petrus naissen Imang Lompo. Iamo joo nawa'ding mentama rante bolana Imang Lompo sola Puang Isa,

Yahya 18:33

Mentama pole'mi salassa' Gubernur Pilatus natambai to Puang Isa, nakutanaii nakua, “Tongannaraka, Ikomo raja-Na to-Yahudi?”

Yahya 18:39

Apa situru' kabiasanmi, tuli lla'paranna' mesa' toditarungku ke pangramean Paskah. Mikadoangngimoraka ke Ia tee Raja to-Yahudi kula'paran?”

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”

Yahya 19:14

Cingga'tu'mora natatte' sangpulo dua tangnga allo joo wattu. Masawannapi nadete'i pangramean Paskah. Nakua Gubernur Pilatus ngkuanni to to-Yahudi, “Inde'mi Rajami.”

Yahya 19:9

Mentama pole'mi bola pangra'tasan kara-kara, nadisolan Puang Isa tama, nakutanai pole'i nakua, “Topole umboroko?” Apa cia'i Puang Isa mebali.

Jamanna Rasulu' 10:28

Nakua Petrus lako tuu lako tau, “Miissen kumua napemalian agamangki' to-Yahudi ke malekan massangbola-bola ba'tu sirau bangsa laen. Apa mangkamo' napamanassan Puang Allataala kumua te'da napemali sirau to-Yahudi na bangsa laen, nasaba' te'da tau naharangan Puang Allataala.

Jamanna Rasulu' 10:32

Jaji, suamoko tau male lako kota Yope ntambai Simon to disanga too Petrus. Torroi jio bolana pangjama balulang disanga Simon, jio randan tasik.’

Jamanna Rasulu' 11:3

Nakuanni to Petrus, “Ammumalera lako bola to totangdisunna'? Ammukumande sola?”

Jamanna Rasulu' 3:13

Ia to Puang Allataala nasompa tojolota' Nabi Ibrahim, Ishak na Yakub, Iamo mangka mpakala'bih Puang Isa, kaunan-Na. Iamo joo Puang Isa to mipangngolo lako tomangparenta, micia' too ntarimai tonna la lla'paranni Pilatus.

Jamanna Rasulu' 4:27

Mpatarruhmi kadanna nakua, “Oo Puang, tongan to kadan-Ta', nasaba' denmo nasirempun Raja Herodes na Gubernur Pontius Pilatus lan tee kota sola bangsa tangngia to-Yahudi na to-Yahudi nnewa Puang Isa kaunan-Ta'. Ia to kaunan mattantun-Ta' mangkamo taangka' menjaji Raja Mangpasalama'.