Yahya 17:6 - Alkitab Duri

⁶ Kupangpeissenanmiki' lako sininna tau to mangkamo tabenna' lan tee lino. Ia tuu lako tau tabenna', taun-Ta', nanturu'mo kadan-Ta',

Yahya 17:6 ပူးပေါင်းရင်းမြစ်များ

Kada Bulawan 2:10

La maccako, na kapaissenanmu la mpamasannangko.

Kada Bulawan 23:23

Ia to sininna katonganan, kamaccan, pangpangngajah na kamapahangan sipato' mupengkullei muampui, danggi' lalo mupaboko'i penawa.

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 12:28

Oo Ambe' pakala'bihmi sangam-Mi!” Ia tonna mangka mpaui susi joo, den gamara jao mai suruga nakua, “Kupakala'bihmo, na la kupakala'bih unapa!”

Yahya 15:19

Ia ke la taunna kamu' totangmatappa', tantu nakabudai kamu'. Apa tangngiamo kamu' taunna, sanga mangkamo kamu' kupilei lan mai tangnga-tangngana totangmatappa', iamo nakaba'ci kamu'.

Yahya 15:3

Nabajaimo kamu' pangngajah-Ku' to mangka kuajaran kamu'.

Yahya 15:7

Ia ke da'tan kamu' memmesa' sola Aku', miingaran tooi to pangngajaran-Ku', moi apa mipeta'da lako Ambe', la naben kamu'.

Yahya 17:12

Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Yahya 17:14

Kupauanmi to kadan-Ta'. Iamo joo nakaba'cii totangmatappa', nasaba' tangngia taunna, susi Aku' tangngia toona' taunna.

Yahya 17:16

Susi Aku' tangngiana' taunna totangmatappa', moi tuu lako taun-Ta' tangngia too taunna.

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Yahya 17:26

Kupangpeissenanmiki' lako tuu lako taun-Ta', na la kupugauk tarruh susi joo, dikua naperasai to pangpakamoja'-Ta' lako Aku', susi Aku' mperasaii, angkumemmesa' sola tuu lako taun-Ta'.”

Yahya 17:7

naissenmo tee too kumua sininna to apa tabenna' pole jio ngasan mai Ambe'.

Yahya 18:9

Mangkada susii joo, najaji to mangka napau jolomo nakua, “Oo Ambe' ia to tonabenna' Ambe', moi mesa' te'da namasolang.”

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Yahya 6:39

Iamo tee pakkaeloran-Na to Ambe' to kumua sininna to tau nabenmo', moi mesa' te'da nalamasolang, apa la kupatuo pole' ke Kiama'mi lino.

Yahya 8:51

La mikatappa'i kumua, ia to tonturu' kadang-Ku', te'da tarruhmo nalasikita kamatean.”

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Jamanna Rasulu' 13:48

Ia tonna sa'dingngi bangsa tangngia to-Yahudi joo, masannang ngasan na mpakala'bih kadan-Na Puang. Na memmatappa' lako Puang Isa sininna to tonapattantumo Puang Allataala la nnampa' katuoan melo te'da cappa'na.

Roma 11:2

Te'da natangmpuumma'i Puang Allataala to umma'-Na to napilei jolomo. Miissen curitanna Nabi Elia to diuki' lan Sura' Allataala, tonna pangpeasanni to to-Israel lako Puang Allataala. Nakua Nabi Elia,

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

2 Timotius 1:13

La mupangpangngajaran to pangngajaran tongan to mangka kuajaranko, mutatta' too matappa' sola mangpakamoja', nasaba' mesa' penawamoko sola Puang Isa Almaseh.

Ibrani 2:12

Nakua Puang Isa lako Puang Allataala, “La kupangpeissenanko lako sile'to-Ku', la kupujiko lan tangnga-tangngana umma'-Mu.”

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

1 Petrus 1:1

Ee, tomala'bihku' sola ngasan, to napileimo Puang Allataala menjaji umma'-Na! Aku' Petrus rasulu'-Na Puang Isa Almaseh nnuki'i tee sura' lako kamu' to titaleh jio propinsi Pontus, Galatia, Kapadokia, Asia na Bitinia, to torro jio susi tomentoratu lan tangnga-tangngana totangnturu' Puang Allataala.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.

Pengkitanna Yahya 3:8

Iamo tee pepasan-Ku': Kuissen to apa mipugauk. Kuissen kumua te'da mimawatang. Apa mituru'mo to pangngajaran-Ku', na te'da mipessakkannina' kumua tangngiana' Puangmi. Mangkamo kamu' kutimbakan pelalan na moi inda te'da nakullei ssalli'i.