Yahya 17:2 - Alkitab Duri

² Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 17:2 ပူးပေါင်းရင်းမြစ်များ

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Yahya 17:6

Kupangpeissenanmiki' lako sininna tau to mangkamo tabenna' lan tee lino. Ia tuu lako tau tabenna', taun-Ta', nanturu'mo kadan-Ta',

Yahya 17:9

Kupassambajanganmo tuu lako tau. Te'da kupassambajangan ngasanni to tolino, apa ia mandara to tomangkamo tabenna', sanga taun-Ta' tuu lako tau.

Yahya 3:35

Napakamoja' Ambe' to Anak, jaji sininna apa napangben ngasanmo nakuasai Anak.

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Yahya 6:27

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Yahya 6:39

Iamo tee pakkaeloran-Na to Ambe' to kumua sininna to tau nabenmo', moi mesa' te'da nalamasolang, apa la kupatuo pole' ke Kiama'mi lino.

Roma 6:23

Kamateanra to buanna dosa, apa katuoan melo te'da cappa'na nabenki' Puang Allataala, nasaba' memmesa'miki' sola Puangta' Puang Isa Almaseh.

1 Korintus 15:25

Nasaba' la mangparentai to Almaseh sanapangbenna Puang Allataala to sininna ewalin-Na nakuasaii.

Efesus 1:20

Iamo joo kuasa to mangka napake mpatuo pole' Almaseh jio mai kamatean, napacadokkoi jao cadokkoan mala'bih jio sa'de kanan-Na jao suruga anna mangparenta sola.

Filipi 2:10

anna sininna to kepenawa mengguntu' ssompa Puang Isa, la jaona langi', la lanna lino, la jiong lino nanii tomate.

1 Timotius 1:16

Apa sitonganna iamora joo nakamaseina' Puang Allataala, dikua napapajanni Puang Isa Almaseh to kasabbarasan-Na lako aku' tee toliwa' buda dosana. Napugaukki Puang Isa susi joo anna buda tau la ngkitai to kasabbarasan-Na lako tomadosa na memmatappa' lako kale-Na na nnampa' katuoan melo te'da cappa'na.

Ibrani 1:2

Apa ia tee wattu tampakkana lino nasuai to Anak mpaui lako kita'. Ia joo Anak mangkamo napattantu Puang Allataala to sipato' mpuapai to sininna apa, nasaba' Iamo napake Puang Allataala mpadenni tee lino.

1 Petrus 3:22

Na endekmi de' suruga, nacumadokko jio sa'de kanan-Na Puang Allataala namangparenta sola, mparenta sininna malaeka', sininna tomakuasa na tomangparenta to wa'ding ngkuasai tolino.

1 Yahya 1:2

Ia joo Kada mangpatuo dipapajan lan lino na kikitamo. Iamo joo kipangpeissenanni lako kamu' kumua indara Ia. Kipaissenni too kamu' kumua Iamo mpangben katuoan melo te'da cappa'na. Mammula jiona mai solai Ambe', Puang Allataala na mangkamo mpapajan kalena lako kami'.

1 Yahya 2:25

sanga ia to nabasse Almaseh lako kita', iamo to katuoan melo te'da cappa'na.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Yudas 1:21

La miissen kumua napakamoja' kamu' Puang Allataala. Iamo joo majaga kamu', danggi' mipatorroi joo pangpakamoja'-Na. La ntajan kamu' kamamasean to la naben kamu' Puangta' Puang Isa Almaseh. Ia to la naben kamu', iamo katuoan melo te'da cappa'na.