Yahya 17:12 - Alkitab Duri

¹² Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Yahya 17:12 ပူးပေါင်းရင်းမြစ်များ

Yahya 13:18

Na ia tee apa mane' mangka kupau, te'da na kamu' ngasan kupauan. Kuissen ngasan to tau kupileimo. Apa la jaji to kada mangka diuki' lan Sura' Allataala kumua, ‘Ia to tokusolan kumande, la nnewana'.’

Yahya 17:6

Kupangpeissenanmiki' lako sininna tau to mangkamo tabenna' lan tee lino. Ia tuu lako tau tabenna', taun-Ta', nanturu'mo kadan-Ta',

Yahya 18:9

Mangkada susii joo, najaji to mangka napau jolomo nakua, “Oo Ambe' ia to tonabenna' Ambe', moi mesa' te'da namasolang.”

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Jamanna Rasulu' 1:25

la ntoe pangjaman rasulu' ssulle Yudas to mboko'i Puang Isa anna male lako to sipato'na unamo nanii.”

Filipi 2:9

Iamo joo nagaja mpamajaoi Puang Allataala, nabenni kuasa kaminang majao,

2 Tesalonika 2:3

Moi apa nakua tau, danggi' lalo mimatappa', sanga tomangnguragara. Nasaba' den dua kara-kara la jaji namane' ndete'i wattu karatuan-Na pole' Puang Isa. Mangpempissenna buda tau la mpessakkanni Puang Isa. Na mangpenduanna den mesa' tau la mpangpekitan kalena, iamo to Togaja' to napattantumo Puang Allataala la mentama naraka.

Ibrani 2:13

Nakua toopa Puang Isa, “La mangrannuan lako mandana' Puang Allataala.” Na nakuapa, “Inde'mo', sola tee mai anak to mangka nabenna' Puang Allataala.”

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

Pengkitanna Yahya 19:12

Ia to matanna dukku susi api na ia to ulunna mpake buda mahkota. Den sanga diuki' jio kalena, apa ia manda nnissenni battuananna.