Yahya 17:11 - Alkitab Duri

¹¹ Na ia tee too la polemo' lako Ambe'. Te'damo kulatorro lan lino, apa lan unapi lino tuu lako taun-Ta'. Oo, Ambe' mala'bih! Kuasan-Ta', to mangka tabenna', nnampaii tuu lako taun-Ta', na memmesa' susi Ambe' na Aku'.

Yahya 17:11 ပူးပေါင်းရင်းမြစ်များ

Kada Bulawan 18:10

Ia to Puang Allataala mawatang susi benteng, iamo nanii male mentilendung to tomakassing dikua nasalama'.

Matius 10:16

Nakuan pole' omi Puang Isa to anak gurun-Na, “Pesa'dingngii! Kusua kamu' male susi bembala' mentama tangnga serigala. Iamo joo la macca kamu' mbawa kalemi, mimaruruh.

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Matius 6:9

Jaji, ia ammimassambajang, la mikua susi tee: Oo, Ambe'ki', Puang Allataala jao suruga. Dennaa upa' na sininna tau mpakala'bihki',

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 13:3

Naissen Puang Isa kumua sininna kuasa napaben ngasanmo Ambe' lako kale-Na. Naissen too kumua topole jioi mai Puang Allataala, na la pole lako pole' tooi Ia Puang Allataala.

Yahya 14:20

Ia ke nadete'mi wattunna, la miissen kumua memmesa'na' sola Ambe'-Ku', na kamu' memmesa' sola Aku', na Aku' memmesa' sola kamu'.

Yahya 16:28

Topole jiona' mai Ambe', kumentama lino. Na ia tee too la kusalaimi tee lino, kupole pole' lako Ambe'.”

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Yahya 17:23

Memmesa'mo' sola tuu lako taun-Ta', na Ambe' memmesa' sola Aku', anna mattongan-tongan memmesa'mo sola ngasan. Ia ke susii joo na la naissen tolino kumua tasuana', na issen tooi kumua tapakamoja'i tuu lako taun-Ta' susi Aku' tapakamoja'.

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Yahya 17:6

Kupangpeissenanmiki' lako sininna tau to mangkamo tabenna' lan tee lino. Ia tuu lako tau tabenna', taun-Ta', nanturu'mo kadan-Ta',

Yahya 7:33

Ia joo wattu nakua Puang Isa lako tobuda, “Cingga'tu'mora nate'damo tasola, sanga la polemo' lako to tossuana' ratu.

Jamanna Rasulu' 3:21

La torroi jao suruga sanggenna nabarui Puang Allataala to pangpajajinna, susi to napasan nabin-Na tonna anu'.

Roma 12:5

Susi toomi kita' sola ngasan. Moi budaki', apa butung to sangkalemiriki' na pada siparalluanki', nasaba' memmesa' penawamiki' sola Almaseh.

Roma 9:17

Den diuki' lan Sura' Allataala kumua, “Mangkadami Puang Allataala lako Firaun, Raja Mesir nakua, ‘Kuangka'ko jaji raja la kunii mpangpekitan kuasang-Ku', na kaissenan to sangang-Ku' lako sininna tolino.’ ”

1 Korintus 1:10

Ee, tomala'bihku' sola ngasan! Kuasan-Na Puangta' Puang Isa Almaseh kumeta'da kumua mimesa' pangtangngaran. Danggi' misipekka, apa la memmesa' penawara kamu'.

Galatia 3:28

Te'damo nadipasilaenan to-Yahudi na bangsa tangngia to-Yahudi, kaunan na tangkaunan, muane na baine, nasaba' sirapumo kamu' Puang Isa Almaseh tommidijio'.

Efesus 4:4

Ia to tomatappa' dipasangrapang mesa' batang kale. Mesa' toora Roh Allataala. Susi too mesa'ra to mirannuan jio mai Puang Allataala to mangka mpilei kamu' menjaji umma'-Na.

Filipi 2:9

Iamo joo nagaja mpamajaoi Puang Allataala, nabenni kuasa kaminang majao,

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

Yakub 4:4

Ee, kamu' totangnningaranmo pale' Puang! Miissen kumua ia ke mipangbuda-budaii susi to totangnturu' Puang Allataala menjaji kamu' ewalin-Na Puang Allataala. Jaji ia to tolampangbuda-budaii susi joo, iamo mpangpeewalian kalena lako Puang Allataala.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

1 Yahya 3:12

Te'da tawa'ding susi Kain nturu' pakkaeloranna Ballisi' arannai mbuno Habel adinna. Ciapari nabunoi Kain to adinna? Nasaba' meloi to panggaukanna adinna, na gaja' ia to panggaukanna Kain.

1 Yahya 5:19

Taissen kumua napuanakmiki' Puang Allataala, moi nakuasaii Ballisi' to tolino tangnturu' Puang Allataala.

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

Pengkitanna Yahya 15:4

Indara tangkasiri'ki' Puang, na tangmpangpeissenan kamala'biran-Ta'? Kita' mandara to mala'bih. Sininna bangsa la ratu ssompaki', nasaba' nakitamo to pangra'tah-Ta' melo.”

Pengkitanna Yahya 19:12

Ia to matanna dukku susi api na ia to ulunna mpake buda mahkota. Den sanga diuki' jio kalena, apa ia manda nnissenni battuananna.

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”