Yahya 17:10 - Alkitab Duri

¹⁰ Sininna to taung-Ku' taun-Ta' too, na sininna to taun-Ta' taung-Ku' too. Na ia to kamala'biran-Ku' pajan lan tangnga-tangngana tuu lako taun-Ta'.

Yahya 17:10 ပူးပေါင်းရင်းမြစ်များ

Yahya 10:30

Aku' na Ambe'-Ku', tomesa'kan.”

Yahya 11:4

Ia tonna sa'dingngi Puang Isa joo kareba nakua, “Ia tee saki te'da anna la mpumatei, apa la mpamanassari kamala'biran-Na Puang Allataala sola Aku', Anak Allataala.”

Yahya 12:23

Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Jamanna Rasulu' 19:17

Nasa'ding ngasan to-Yahudi sola to-Yunani to torro jio kota Efesus joo, namemmalaja'. Sadipakala'bih-la'bihnami to Puang Isa.

Galatia 1:24

Mpakala'bihmi Puang Allataala, nasaba' ia to apa jaji lako aku'.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

Kolose 2:9

La mikanassai kumua, sininna to apa den jio Puang Allataala, den toda jio Almaseh,

2 Tesalonika 1:10

La jaji ngasan joo ke ratu pole'mi Puang Isa. Ia joo wattu ia to Puang Isa la napakala'bih sola nakasiri' umma'-Na, iamo to sininna to tongkatappa'ii. Ia joo wattu la mipakala'bih tooi, nasaba' mikatappa'imo to kareba kipangpeissenan.

2 Tesalonika 1:12

Ia ke susimi joo la dipakala'bihmi to Puangta' Puang Isa, nasaba' panggaukanmi, na midipakala'bih toda, sanga kameloan penawan-Na Puangta' Puang Allataala na Puang Isa Almaseh.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.