Yahya 16:5 - Alkitab Duri

⁵ Apa ia tee too, la polemo' lako tossuana'. Na moi mesa' te'da bang kamu' ngkutanaina' kumua, ‘Umbora la tanii male?’

Yahya 16:5 ပူးပေါင်းရင်းမြစ်များ

Yahya 13:3

Naissen Puang Isa kumua sininna kuasa napaben ngasanmo Ambe' lako kale-Na. Naissen too kumua topole jioi mai Puang Allataala, na la pole lako pole' tooi Ia Puang Allataala.

Yahya 13:36

Mekutanai Simon Petrus lako Puang Isa nakua, “Oo Puang, umbora la tanii male?” Mebalii nakua, “Ia to la kunii male, te'dapa muwa'ding la male lako tee too. Apa keanu'ri mumane' undi lako Aku'.”

Yahya 14:28

Misa'dingmo kukua, ‘La malena', apa la ratu unapa' lako kalemi.’ Ia ke mipakamoja'na', la masannang kamu' kumale lako Ambe', sanga la'bih makuasa ia to Ambe' na Aku'.

Yahya 16:10

La napamanassa too kumua totangmadosana', sanga polena' lako Ambe' natarimana', na te'damo milangkitana'.

Yahya 16:16

Mpatarruhhi kadan-Na Puang Isa nakua, “Cingga'tu'mora na te'damo mikitana', na cingga'tu' toomora ammikita pole'na'.”

Yahya 16:17

Ba'tu pira-pira to anak gurun-Na sikutana-tana nakua, “Apara battuananna joo nakuanki', ‘Cingga'tu'mora na te'damo mikitana', na cingga'tu' toomora ammikita pole'na'’? Na apa pole'pa battuananna joo nakua, ‘La polena' lako Ambe'’?”

Yahya 16:28

Topole jiona' mai Ambe', kumentama lino. Na ia tee too la kusalaimi tee lino, kupole pole' lako Ambe'.”

Yahya 17:13

Na ia tee too la polemo' lako Ambe'. Kupau ngasanni tee tongkulan unapa lino, anna wa'ding liwa' masannang tuu lako taun-Ta' susi Aku' masannang.

Yahya 17:4

Mangkamo' mpakala'bihki' lan tee lino, nasaba' mangkamo' njamai to jaman tasuanna'.

Yahya 6:62

Na umbomo susi jajinna ke mikitana' Aku', Anak Mentolino, endek pole' de' ngenan jolo-Ku'!

Yahya 7:33

Ia joo wattu nakua Puang Isa lako tobuda, “Cingga'tu'mora nate'damo tasola, sanga la polemo' lako to tossuana' ratu.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.