Yahya 16:4 - Alkitab Duri

⁴ Apa kupauanmo kamu' tee too, anna ia ke jajimi, la miingaran kumua mangka jolomo' mpauan kamu'.” Mpatarruhhi kadan-Na Puang Isa nakua, “Sininna tee kupau te'dapa naden kupauan kamu' mellao jiona mai, sanga sola bang unapiki'.

Yahya 16:4 ပူးပေါင်းရင်းမြစ်များ

Matius 10:7

Pauanni kumua cingga'tu'mora naratu Puang Allataala mangparenta susi Raja.

Matius 24:25

Jaji, ingaranni tee! Kupauan jolomo kamu' moi na te'dapa najaji.

Matius 9:15

Napebalii Puang Isa mpake pangpasusian nakua, “Ianna botting to tau, misangaraka kumua la puasai to toratu! Ianna solapa tobotting muane, tantu te'da! Apa la den wattunna naladiala jio mai tangnga-tangngana joo tobotting muane, iamo tee Aku', mane'ri puasa to toratu, iamo tee anak gurung-Ku'.”

Markus 13:23

Jaji, majaga kamu'! Kupauan ngasanmo kamu' jolo' joo, moi na te'dapa najaji.”

Markus 2:19

Napebalii Puang Isa mpake pangpasusian nakua, “Ianna botting to tau, misangaraka kumua te'da nawa'ding kumande to toratu! Ianna solapa tobotting muane, tantu te'da napuasa!

Lukas 1:2

Ia to nauki' tau, susi bang unamo to napangpeissenan to tongkita kalenai apa to mangka jaji, mellao jio mai pamulanna. Iamo tuu lako tau mpangpangngajaran kadan-Na Puang Allataala tongkuuki'i tee.

Yahya 13:19

Kupauan jolomo kamu' tee tonna te'dapa najaji, na ia ke jajimi dau, matappa'mo kamu' kumua, Aku'mo to disanga Denna'.

Yahya 14:29

Kupauan jolomo kamu' tee, moi na te'dapa najaji, na ia ke jajimi keanu', mikatappa'imo'.

Jamanna Rasulu' 9:16

Na Aku' kalena la mpakitanni sininna kamaparrisan to la naperasai nasaba' Aku'.”

2 Tesalonika 2:5

Ingaranni kumua mangka ngasanmo kamu' kupauan tee tontaiti' unapa sola.

2 Petrus 1:14

Na te'damo namasai kusalaii tee lino, nasaba' mangkamo' napauan Puangta' Puang Isa Almaseh.