Yahya 16:32 - Alkitab Duri

³² La nadete'mi wattunna, na sitonganna wattunnami tee too, kumua la dipasisarak-sarak kamu'. Pada la pole kamu' lako bolami, ammisalaina' mesa-mesa. Apa sitonganna te'da kumesa-mesa, sanga den Ambe' kusolan.

Yahya 16:32 ပူးပေါင်းရင်းမြစ်များ

Matius 26:31

Mangkai joo too, nakuanmi Puang Isa to anak gurun-Na, “Ia tee bongi la misalaina' sola ngasan. Susi to kadan-Na Puang Allataala diuki' lan Sura' Allataala kumua, ‘La kubunoi to tomangrewana, anna sisarak-sarak to bembala'na.’

Matius 26:56

Apa nang la jaji susi joo, dikua anna jaji to diuki' lan sura'na nabi.” Mangkai joo too pada sipalaianmi to anak gurun-Na ssalaii.

Markus 14:27

Mangkai joo too, nakuanmi Puang Isa to anak gurun-Na, “La misalaina' sola ngasan. Susi to diuki' lan Sura' Allataala nakua Puang Allataala kumua, ‘La kubunoi to tomangrewana, anna sisarak-sarak to bembala'na.’

Markus 14:50

Sipalaianmi to anak gurun-Na Puang Isa ssalaii.

Yahya 12:23

Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Yahya 16:25

Mpatarruhhi kadan-Na Puang Isa nakua, “Sininna tee kupauan kamu', kupakean ngasan pangpasusian. Apa la den wattunna nate'damo kupakeanni pangpasusian, apa kupau manassa bangmo lako kamu', mpamanassai to Ambe'.

Yahya 16:31

Napebalii Puang Isa nakua, “Jaji matappa'mora kamu'ka tee too?

Yahya 19:27

Namane' ngkuanni joo anak gurun-Na napakamoja', “Iamo tuu indomu.” Mammula joo wattu natarimami to indo-Na Puang Isa, natorro jiomo bolana.

Yahya 20:10

Mangkai joo too, polemi sola dua lako to nanii torro.

Yahya 4:21

Nakua Puang Isa ngkuanni, “Ee indo', katappa'ina', la den wattunna ia to tau ssompa Ambe' te'da na jao manda ntee buntu, te'da too na jao manda kota Yerusalem.

Yahya 4:23

Apa nadete'mi wattunna, na wattunnamo tee too to kumua, pangpatuju pole jio mai Roh Allataala lako tau anna te'da nasala ke ssompai Ambe', sanga iamo to susi joo napumasannang.

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

Yahya 5:28

Danggi' mijangngah ssa'dingngi tee, nasaba' la nadete'mi wattunna kumua sininna to tomatemo ssa'ding gamarang-Ku'.

Yahya 8:16

Apa ia ke la Aku' mangra'tah, maruruh to pangra'tah-Ku', sanga te'da na Aku' manda mangra'tah, apa solana' Ambe' to ssuana'.

Yahya 8:29

Na iamo joo Ambe'-Ku' to ssuana', nasolan bangna'. Te'da nasalaina', nasaba' tuli kupugauk to napumasannang.”

Jamanna Rasulu' 21:6

Mangkai joo too sisalama'mokan, kimende' kappala', na pada pole todamo ia lako bolana.

Jamanna Rasulu' 8:1

Napusannang Saulus joo kadibunoanna Stefanus. Ia bang unamo joo allo namangpamula dipakario-rio to jamaa jio kota Yerusalem, anna sininna tomatappa' saleananna rasulu' sisarak-sarak male lako lili'na tana Yudea na tana Samaria.