Yahya 16:30 - Alkitab Duri

³⁰ Mane' kiissenri kumua Kita' nnissenni to sininna apa. Taissen jolo to apa la nakutananki' tau. Iamo joo matappa'kan kumua topole jioki' mai Puang Allataala.”

Yahya 16:30 ပူးပေါင်းရင်းမြစ်များ

Yahya 16:17

Ba'tu pira-pira to anak gurun-Na sikutana-tana nakua, “Apara battuananna joo nakuanki', ‘Cingga'tu'mora na te'damo mikitana', na cingga'tu' toomora ammikita pole'na'’? Na apa pole'pa battuananna joo nakua, ‘La polena' lako Ambe'’?”

Yahya 16:23

Na ia joo wattu te'damo ammilangkutanaina'. La miingaran tee kadang-Ku' kumua, moi apa mipeta'da lako Ambe' mpau sangang-Ku', la naben kamu'.

Yahya 16:26

Ia joo wattu la meta'da kamu' lako Ambe' mpau sangang-Ku'. Te'da naparallu Aku' la mpeta'dan kamu' lako Ambe',

Yahya 16:31

Napebalii Puang Isa nakua, “Jaji matappa'mora kamu'ka tee too?

Yahya 17:8

Kupauanmo kadan-Ta' to mangka tapauanna', na natarimamo. Naissen toomo kumua tonganna' topole jio mai Ambe'. Nakatappa'imo kumua Kita'mo to mangka ssuana'.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 21:17

Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Yahya 5:20

Napakitan ngasanna' sininna to apa napugauk Ambe', sanga napakamoja'na'. Na la napakitan pole'pa' tanda mejangngaran to la'bih matonggo ammijangngah.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Ibrani 4:13

Moi mesa' to apa kepenawa te'da membuni jio olo-Na Puang Allataala. Sininna apa pajan jio olo-Na Puang Allataala. Na la tapebalii to panggaukanta' lako Puang Allataala.