Yahya 16:20 - Alkitab Duri

²⁰ La miingaran tee kadang-Ku' kumua, la kumarrak kamu', mimbating too, apa la marioi to totangmatappa'. La masussa penawammi, apa ia to kamasussanmi la nasullei kamasannangan.

Yahya 16:20 ပူးပေါင်းရင်းမြစ်များ

Matius 21:38

Apa ia tonna kitami joo tomendulu bara'bah kumua ratui to anakkana joo ampu bara'bah, sipangkada-kadami joo tomendulu nakua, ‘Inde'mi pale' to la mpumanahhi tee bara'bah. Tabunoi, antaala ngasanni tee manahna.’

Matius 5:4

Masannang to tau masussa penawa, nasaba' la napakatana Puang Allataala.

Markus 14:72

Ia joo wattu kekkua penduanmi to manuk. Naingaranmi Petrus to apa mangka nakuanni Puang Isa kumua, “Te'dapa nakekkua penduan to manuk, mupentallunmo mpessakkannina'.” Ta'pa kumarrakmi Petrus nna'de-a'de.

Markus 16:10

Malemi Maryam Magdalena mpauanni to tonturu' Puang Isa, to da'tan bangpa masussa nakumarrak kumua, “Ee, tuo pole'mi to Puang Isa, nakukitamo aku'.” Apa ia tonna sa'ding joo kadanna Maryam Magdalena, kumua tuo pole'mi to Puang Isa, te'da nakatappa'ii.

Lukas 22:45

Ia tonna mangkamo massambajang, polemi Puang Isa lako to nanii anak gurun-Na. Natimba'i simammasan, sanga masse gajai penawanna.

Lukas 22:62

Ta'pa kumarrakmi Petrus nna'de-a'de, anna male lako salean.

Lukas 23:27

Buda tau meundi jio boko'na Puang Isa. Den too ba'tu pira-pira baine to-Yerusalem. Ia tuu lako baine ngkillakki sola mbatingngi Puang Isa.

Lukas 24:17

Nakua Puang Isa ngkutanai, “Apamora tee dicurita jio lalan?” Massei penawanna sola dua anna kenden.

Lukas 24:21

Kisanga bangmi kami' dikka' kumua Iamo la lla'paran to-Israel jio mai kuasanna to-Roma! Tallung allomi too mangkanna jaji.

Lukas 6:21

Masannang kamu' to tangbarah tee too, nasaba' la dipebarahhi kamu'. Masannang kamu' to kumarrak tee too, nasaba' la metawa kamu'!

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Yahya 16:6

Na la memmasse penawammi tee too, nasaba' kupauanmo kamu' kumua, ‘La polemo'’.

Yahya 20:20

Ia tonna mangka mangkada susi joo, mpangpekitanmi liman-Na sola sa'de-Na. Gaja sannangngi sola ngasan ngkita Puang.

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Roma 5:11

Na te'da na ia manda joo, apa mario tooki', nasaba' mangkami Puangta' Puang Isa Almaseh mpasipemeloanki' Puang Allataala.

2 Korintus 6:10

Tuli mariokan, moi kiperasai kamasussan. Mpasugihmokan barakka' kasalamatan lako tobuda, moi susikan tokaasi-asi dikita. Sitonganna kiampui ngasan to sininna apa, moi susikan tote'da lalo apa kiampui.

Galatia 5:22

Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh,

1 Tesalonika 1:6

Kiissen kumua napileimo kamu' Puang Allataala, nasaba' mialamo palelean mata to Puang Isa, miala toomokan palelean mata. Jaji, moi miliwa' dipakario-rio, nasaba' mitarimai to Kareba Kasalamatan, da'tan kamu' mperasai to kamarioan pole jio mai Roh Allataala.

Yakub 1:2

Ee, tomala'bihku'! Ianna kanna kamu' mangrupa-rupa pecoba, la misangai kumua tomasannang kamu'.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

Pengkitanna Yahya 11:10

Masannangngi mangmaroah-roah siben-ben paraseng, nasaba' mangkamo mate joo dua sa'bi to mangkamo mparatu buda pangsessa lako sininna tau lan lino.

Pengkitanna Yahya 18:7

Ia to to-Babel mpakala'bih kalena na rrempun bang kasugiran. Benni kamaparrisan sola kamasussan siangga' kedona, sanga mangkadai lan penawanna nakua, ‘Aku' tee raja baine mangparenta. Tangngiana' tobalu. Sikita randan langi'na' kamasussan.’