Yahya 16:19 - Alkitab Duri

¹⁹ Naissen Puang Isa kumua madoangngi la ngkutanaii. Iamo joo nakua ngkuanni, “Kukua nena', ‘Cingga'tu'mora na te'damo mikitana', na cingga'tu' toomora ammikita pole'na'.’ Iamoraka joo misipangkadai?

Yahya 16:19 ပူးပေါင်းရင်းမြစ်များ

Matius 6:8

Danggi' misusi joo, nasaba' te'dapa mipeta'dai, naissen jolomo Ambe'mi Puang Allataala to miparalluinna.

Matius 9:4

Naissen Puang Isa to lan penawanna tuu lako guru agama. Iamo joo nakuanni, “Ciapari mimangpikkiri' gaja' susi tuu?

Markus 9:32

Te'da napahangngi anak gurun-Na joo kadan-Na, apa malaja'i ngkutanaii.

Yahya 13:33

Oo anak-Ku' sola ngasan. Te'damo kumasai torro ssolan kamu'. La miangahna', apa susi to mangka kupauan pekaamberan to-Yahudi, na moi kamu' kupauan toomo kumua ia to kunii male, te'da mikullei ratu lako.

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

Yahya 16:16

Mpatarruhhi kadan-Na Puang Isa nakua, “Cingga'tu'mora na te'damo mikitana', na cingga'tu' toomora ammikita pole'na'.”

Yahya 16:18

Sikutana tarruhpa ia nakua, “Apara ia battuananna joo ‘cingga'tu'’? Te'da kita' taissenni apara ia joo napau!”

Yahya 16:23

Na ia joo wattu te'damo ammilangkutanaina'. La miingaran tee kadang-Ku' kumua, moi apa mipeta'da lako Ambe' mpau sangang-Ku', la naben kamu'.

Yahya 16:26

Ia joo wattu la meta'da kamu' lako Ambe' mpau sangang-Ku'. Te'da naparallu Aku' la mpeta'dan kamu' lako Ambe',

Yahya 16:30

Mane' kiissenri kumua Kita' nnissenni to sininna apa. Taissen jolo to apa la nakutananki' tau. Iamo joo matappa'kan kumua topole jioki' mai Puang Allataala.”

Yahya 21:17

Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Yahya 6:61

Naissen Puang Isa kumua sipangnuku-nukuanni tuu lako tau nakuanni, “Misa'dinganraka tee kadang-Ku'?

Yahya 7:33

Ia joo wattu nakua Puang Isa lako tobuda, “Cingga'tu'mora nate'damo tasola, sanga la polemo' lako to tossuana' ratu.

Ibrani 4:13

Moi mesa' to apa kepenawa te'da membuni jio olo-Na Puang Allataala. Sininna apa pajan jio olo-Na Puang Allataala. Na la tapebalii to panggaukanta' lako Puang Allataala.

Pengkitanna Yahya 2:23

Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.