Yahya 16:17 - Alkitab Duri

¹⁷ Ba'tu pira-pira to anak gurun-Na sikutana-tana nakua, “Apara battuananna joo nakuanki', ‘Cingga'tu'mora na te'damo mikitana', na cingga'tu' toomora ammikita pole'na'’? Na apa pole'pa battuananna joo nakua, ‘La polena' lako Ambe'’?”

Yahya 16:17 ပူးပေါင်းရင်းမြစ်များ

Markus 9:10

Te'da tongan namale ncuritai, apa madoang nnissenni to battuananna joo kadan-Na. Iamo joo nasipangkadai kumua, “Apara battuananna joo nasanga, ‘Tuo pole' jio mai kamatean?’ ”

Markus 9:32

Te'da napahangngi anak gurun-Na joo kadan-Na, apa malaja'i ngkutanaii.

Lukas 18:34

Apa ia joo napau Puang Isa te'da ngasan napahangngi anak gurun-Na, sanga dibuniananni lako kalena. Iamo joo na te'da naissenni anak gurun-Na apa to nasanga Puang Isa.

Lukas 9:45

Te'da napahangngi anak gurun-Na joo kadan-Na, apa malaja'i ngkutanaii. Dibuniananni joo lako kalena, dikua anna danggi' napahangngi.

Yahya 12:16

Ia joo wattu te'dapa napahangngi to anak gurun-Na Puang Isa joo apa napugauk tau. Apa mangkamira dipakala'bih to Puang Isa tonna dipatuo pole'mo jio mai kamatean, namane' nningaranni kumua, mangkami diuki' lan Sura' Allataala joo napugauk tau lako Puang Isa.

Yahya 14:22

Ia to Yudas (tangngia Yudas Iskariot) mekutana lako Puang Isa nakua, “Oo Puang, ciapari na kami' tapakitan kale-Ta', te'da na lako totangmatappa'?”

Yahya 14:5

Nakua Tomas lako Puang Isa, “Oo Puang, te'da kiissenni umbo la tanii male. Na umbo kikua la nnissenni to lalan lako?”

Yahya 16:1

Kupauan ngasanmo kamu' joo, anna danggi' mika'tu rannu ammitangmatappa' pole'.

Yahya 16:16

Mpatarruhhi kadan-Na Puang Isa nakua, “Cingga'tu'mora na te'damo mikitana', na cingga'tu' toomora ammikita pole'na'.”

Yahya 16:18

Sikutana tarruhpa ia nakua, “Apara ia battuananna joo ‘cingga'tu'’? Te'da kita' taissenni apara ia joo napau!”

Yahya 16:19

Naissen Puang Isa kumua madoangngi la ngkutanaii. Iamo joo nakua ngkuanni, “Kukua nena', ‘Cingga'tu'mora na te'damo mikitana', na cingga'tu' toomora ammikita pole'na'.’ Iamoraka joo misipangkadai?

Yahya 16:5

Apa ia tee too, la polemo' lako tossuana'. Na moi mesa' te'da bang kamu' ngkutanaina' kumua, ‘Umbora la tanii male?’