Yahya 15:9 - Alkitab Duri

⁹ Susi Ambe' mpakamoja'na', susi toda Aku' mpakamoja' kamu'. Jaji la da'tan kamu' memmesa' sola Aku', angkuda'tan mpakamoja' kamu'.

Yahya 15:9 ပူးပေါင်းရင်းမြစ်များ

Yahya 15:11

Kupauan ngasanmo kamu' tee, ammisamasannang-sannangna susi Aku'.

Yahya 15:13

Nate'damo ia pangpakamoja' la'bih matonggo, na ia to pangpakamoja'na mesa' tau tompangben sunga'na naputuoi soba'na.

Yahya 17:26

Kupangpeissenanmiki' lako tuu lako taun-Ta', na la kupugauk tarruh susi joo, dikua naperasai to pangpakamoja'-Ta' lako Aku', susi Aku' mperasaii, angkumemmesa' sola tuu lako taun-Ta'.”

Yahya 3:35

Napakamoja' Ambe' to Anak, jaji sininna apa napangben ngasanmo nakuasai Anak.

Efesus 3:18

Ia ke susimi joo, mapahang tonganmo kamu' susi padammi umma'-Na Puang Allataala, kumua maka matumba maluahna, malandona, matandena sola mandalanna to pangpakamoja'-Na Almaseh lako kita' sola ngasan,

1 Yahya 2:28

Ee, tokupuanak! La da'tan kamu' mesa' penawa sola Almaseh, anna ia ke ratu pole'mi, baraniki' sioloan, te'da tamembuni sanga masiri'ki'.

Yudas 1:20

Ee, tomala'bihku' to kupakamoja'! Ia to pangngajaran-Na Puang Allataala la mipake sipamasumanga' ammisamatappa'-tappa'na lako Puang Allataala. Na la massambajang kamu' situru' pangpatujun-Na Roh Allataala.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.