Yahya 15:26 - Alkitab Duri

²⁶ La kusua lako kalemi to tomangpakatana pole jio mai Ambe'. Iamo to Roh Allataala to la mpamanassai to pangngajaran tongan. Ia ke ratui, Ia mpangpeissenanna'.

Yahya 15:26 ပူးပေါင်းရင်းမြစ်များ

Lukas 24:49

Na Aku' kalena la mben kamu' kuasa susi to pura napau Ambe'-Ku'. Apa la torro kamu' lan ntee kota, ntajanni sanggenna ia to kuasan-Na Puang Allataala ngkuasai kamu'.”

Yahya 14:26

Ia to Roh Allataala, to tomangpakatana, la nasua Ambe' ratu ssullena'. Iamo la nnajahhi kamu' to sininna apa napangngingaran pole' kamu' to apa mangkamo kupauan kamu'.

Yahya 16:7

Tongan tee kupauan kamu' kumua, ‘La'bih den bua'na lako kamu' ke polena'’, sanga ia ke la te'dai kupole, te'da nalaratu joo tomangpakatana. Apa ia ke polena', la kusuai ratu lako kalemi.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Jamanna Rasulu' 1:4

Ia tonna kumande sola rasulu'-Na, nakuanni susi tee, “Danggi' misalai kota Yerusalem! Mangtajan bang kamu' inde' jolo' sanggenna naben kamu' Ambe' to apa pura nabasse, susi to kupauan kamu'.

Jamanna Rasulu' 15:8

Natarruh Puang Allataala to penawanna tau. Namangkamo napamanassa kumua natarimamo to bangsa tangngia to-Yahudi. Iamo napamanassa tonna benni Roh Allataala susi to mangka nabenki'.

Jamanna Rasulu' 5:32

Kami'mo tee to mangka ngkitai kipangpeissenanni lako kamu' sola Roh Allataala, to nasua lako to tonturu' parenta-Na.”

1 Korintus 1:6

Iamo mpamanassai kumua ia to pangngajaran jio mai Almaseh mikatappa'i tonganmo,

Ibrani 2:4

Te'da na ia manda joo, apa Puang Allataala Ia ntongananni to kadanna tuu lako tau, anna benni kuasa mpugauk mangrupa-rupa tanda mejangngaran, naben tooi barakka' Roh Allataala situru' pakkaeloran-Na.

Pengkitanna Yahya 22:1

Na ia joo malaeka' mpakitanna' to sa'dan malinnong cumbillan susi kristal. Ia to wainna mangpatuo, lolong jio mai cadokkoan mala'bih-Na Puang Allataala na Anak Bembala',