Yahya 15:21 - Alkitab Duri

²¹ Na la nasessa kamu', sanga mituru'na' na te'da too naissenni to Ambe' to ssuana'.

Yahya 15:21 ပူးပေါင်းရင်းမြစ်များ

Matius 10:18

La dipangngolo kamu' lako tomangparenta sola raja, nasaba' mituru'na'. Iamo joo wattu la minii mpangpeissenanni to Kareba Kasalamatan lako tuu lako tau, sola totangnnissenpa Puang Allataala.

Matius 10:39

Ia to tonturu' bang pakkaeloran penawanna, te'da nalannampa' katuoan melo te'da cappa'na. Apa ia to tonturu' tarruhna' moi la dibuno, iamo la nnampa' katuoan melo te'da cappa'na.”

Matius 24:9

Ia joo wattu la dijokko kamu' midisessa ammidibuno. La nakaba'ci kamu' sininna bangsa, nasaba' mituru'na'.

Matius 5:11

Masannang kamu', ke dicacca kamu', ke dipakario-rio kamu' sola ke napau gaja' kamu' tau, nasaba' mituru'na'.

Lukas 21:12

Ianna te'dapa najaji ngasan joo, la dijokko kamu' ammidipakario-rio. La dira'tah kara-karami jio bola passambajangan, ammidipatama pangtarungkuan. La dipangngolo kamu' lako raja sola tomangparenta, nasaba' mikatappa'ina'.

Lukas 6:22

Masannang kamu', ke dikaba'ci kamu', ke diula'i kamu', ke dicacca kamu', sola ke disanga kamu' togaja', nasaba' mituru'na' Aku', Anak Mentolino.

Yahya 15:24

Ia ke la te'dai kupugauk tanda mejangngaran lan tangnga-tangngana tobuda, to te'da napugaukki tau laen, te'da nalamadosa. Apa moi nakitamo to apa kupugauk, nakaba'cina', na moi Ambe'-Ku' nakaba'ci todami.

Yahya 16:3

Napugaukki susi joo lako kamu', nasaba' te'da naissenni to Ambe', na moi Aku' te'da too naissenna'.

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Yahya 8:19

Nakua joo to-Farisi ngkuanni, “Umbori nanii joo ambe'-Ta'?” Mebalii Puang Isa nakua, “Te'da miissenna', sola Ambe'-Ku'. Ia ke la miissenna', tantu miissen toomi to Ambe'-Ku'.”

Yahya 8:54

Mebalimi Puang Isa nakua, “Ia ke la kupakala'bihhi to kale-Ku', moi ci'di' te'da bua'na. Apa Ambe'-Ku'ra mpakala'bihna'! Ia toomo misanga Puangmi.

Yahya 8:55

Te'da kamu' miissenni na kuissen Aku'. Na ia ke la kukua te'da kuissenni, pangnguragana' susi kamu'. Apa kuissen Aku', na kuturu' to kadan-Na.

Jamanna Rasulu' 17:23

Nasaba' ia tongkumale lumingka llelei tee kotami angkukitai to apa misompa, den too mesa' ngenan pangkaroban kukita nanii pangnguki' kumua, ‘Lako puang to tangdiissen.’ Jaji ia to apa misompa te'da miissenni, iamo la kupangpeissenan lako kalemi.

Jamanna Rasulu' 26:9

Moi aku' tonna tee kusanga gaja kuewali tooi to tonturu' Puang Isa to-Nazaret.

Jamanna Rasulu' 3:17

Ee, todipusile'to, kamu'mo sola torroan pekaamberanmi mpangpebunoan Puang Isa. Kuissen kumua ia mipugaukki susi joo, sanga te'da mipahangngi.

Jamanna Rasulu' 4:17

Apa dikua danggi' nasabuda-budanna tau nnissenni tee, melo ke taanggaii, anna moi mesa' tau te'da lalo nanii ncuritai joo tau disanga Puang Isa.”

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Jamanna Rasulu' 9:14

Na ia tee karatuanna inde' tee too, napakuasa kapala imang la njokko sininna tossompaki'.”

Jamanna Rasulu' 9:16

Na Aku' kalena la mpakitanni sininna kamaparrisan to la naperasai nasaba' Aku'.”

Roma 1:28

Napupangngelohnai Puang Allataala to tolino mangpikkiri' gaja', anna pugaukki to tangsipato'na, nasaba' nasangai kumua te'damo naparallu nnissen Puang Allataala.

1 Korintus 15:34

Mangngingaran melo kamu', na danggi'mo mipugauk dosa. Sitonganna la mipumasiri' to kumua, denpa tau lan tangnga-tangngami to te'dapa naissen Puang Allataala.

1 Korintus 2:8

Moi mesa' to tongkuasaii tee lino te'da nnissenni. Sanga ia ke la naissenni, tantu te'damo anna la mpampangngi joo Puang mala'bih jao kaju sitamben.

2 Tesalonika 1:8

na den too api manglaka-laka. La ratu pole'i to Puang Isa na ssessai to tote'da nakasiri' Puang Allataala sola tocia' ntarimai to karebanna Puangta' Puang Isa.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

3 Yahya 1:7

Nasaba' malemo mpangpeissenan pangngajaran-Na Almaseh, nacia'i ntarima pangtulungan jio mai tote'da naissen Puang Allataala.

Pengkitanna Yahya 2:3

Ia tommidipakario-rio nasaba' Aku', sabbara' kamu' na te'da mika'tu rannu.