Yahya 15:2 - Alkitab Duri

² Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

Yahya 15:2 ပူးပေါင်းရင်းမြစ်များ

Kada Bulawan 4:18

Ia to lalan katuoanna tomakassing butung arrang allo makale', saendek-endekna samacora-coranna ratu lako tangnga allo.

Daniel 11:35

Ba'tu pira-pira to tomacca mangpangngajah melo la dipatei, apa ia joo menjaji pecoba lako umma'-Na Puang Allataala namacero te'da caccana ratu lako Kama'na lino, iamo wattu to mangka Napattantu Puang Allataala.

Matius 13:12

Nasaba' ia to tonnampuimo buda apa la dirangngannipa la'bih buda, anna kala'biran pissen. Apa ia to totangnnampui apa, ia to apa ci'di'mora naampui, la dialai pissen.

Matius 13:33

Denpa pangpasusian laen nacurita Puang Isa lako tobuda nakua, “Ianna mangparentamo Puang Allataala susi Raja wa'ding dipasangrapang ragi, naala baine napasigerokki patang pulo litere' ta'pung, anna loboh.”

Matius 15:13

Mebalimi Puang Isa nakua, “Ia to to-Farisi wa'ding dipasangrapang tananan to tangngia pantanan-Na Ambe'-Ku' jao suruga. Iamo joo naladirebu'i.

Matius 21:19

Ngkitami garonto' kaju ara jio randan lalan. Malemi lako, apa te'da bang buanna naampa', daunna mandari. Nakuanni joo garonto' kaju ara, “Mangpamula tee allo, te'damo mulamembua!” Ta'pa malajumi joo garonto' kaju ara.

Matius 25:29

Nasaba' ia to todenmo naampui, la dibenpa la'bih buda, na kala'bian pissen. Apa ia to tangnnampui apa, ia to apa ci'di'mora naampui la dialai pissen.

Matius 3:10

Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bangngi nadica'bean tama api.

Matius 3:12

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”

Matius 7:19

Ia to kaju gaja' buanna, la dita'bangngi ngasan, nadisumpun.

Markus 4:20

Na ia to banne ta'pah do' litak malompo dipasangrapangngi to tossa'ding kadan-Na Puang Allataala, namasannang ntarimai napugaukki, anna membua melo. Na den to manglokkon pentallung pulo, den pennannan pulona na den too to manglokkon pessaratuh.”

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Yahya 15:1

Nakua omo Puang Isa, “Aku'mo garonto' anggoro' melo, na Ambe'-Ku' pangbara'bahna.

Yahya 15:16

Tangngia kamu' mpileina', apa Aku'ri mpilei kamu', angkusua kamu' male ammimembua buda, to bua te'da nalamasolang. Na ia to apa mipeta'da lako Ambe' mpau sangang-Ku', la naben kamu'.

Yahya 15:3

Nabajaimo kamu' pangngajah-Ku' to mangka kuajaran kamu'.

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Yahya 15:8

Na ia ke membua budamo kamu', iamo dinii mpakala'bih Ambe'-Ku'. Pajan toomi kumua kamu'mo to ntongan-tongannii nturu'na'.

Yahya 17:12

Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Roma 11:17

Ia to to-Yahudi dipasusi kaju zaitun dipiara. Na ia to bangsa tangngia to-Yahudi dipasusi kaju zaitun lampung. Den tangke kaju zaitun pira' dipiara na disembangngi dinii mpencangkoran tangke kaju zaitun lampung, iamo to kamu' to bangsa tangngia to-Yahudi. Ia tee jaji, dikua ammiperasai toda barakka' jio mai Puang Allataala to dipatuju lako to-Yahudi.

Roma 11:22

Iamo joo nanii butti kumua liwa' buda kameloan penawan-Na Puang Allataala, apa liwa' buda too makarrahna. Makarrah lako to nasembangngi, totangmatappa', apa melo penawan-Na lako kamu', assalan da'tan bang kamu' matappa' lako Puang Allataala. Ia ke te'da mituru' pakkaeloran-Na Puang Allataala, la nasembangngi toda kamu'.

Roma 8:28

Taissen kumua Puang Allataala Ia nnatoro'i to sininna apa, anna benni kameloan lako to tompakamoja'i, to napileimo situru' eloh-Na.

1 Korintus 13:1

Moi angkumacca mangkada mpake mangrupa-rupa basa tolino sola basa malaeka', apa ia ke te'da kupakamoja' padangku' rupa tau, ia to apa kupau te'da bua'na, susi bangri to darong lo'bang nnoni.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

Pengkitanna Yahya 3:19

Ia to tokupakamoja' kutarrusan bang kukuan ba'tu kupekaju. Iami joo pemaringngannimi penawammi mimengkatoba' jio mai dosami.