Yahya 15:1 - Alkitab Duri

¹ Nakua omo Puang Isa, “Aku'mo garonto' anggoro' melo, na Ambe'-Ku' pangbara'bahna.

Yahya 15:1 ပူးပေါင်းရင်းမြစ်များ

Matius 15:13

Mebalimi Puang Isa nakua, “Ia to to-Farisi wa'ding dipasangrapang tananan to tangngia pantanan-Na Ambe'-Ku' jao suruga. Iamo joo naladirebu'i.

Matius 20:1

“Ianna mangparentamo Puang Allataala susi Raja, wa'ding dipasangrapang tomangbara'bah anggoro' melambik male nnangah tokumande gaji la mangjama jio bara'bahna.

Matius 21:33

Mpatarruh omi kadan-Na Puang Isa nakuanni tuu lako kapala imang sola pekaamberan to-Yahudi, “Denpa tee pangpasusian la mipesa'dingngi. Den mesa' ampu bara'bah ntananni anggoro' bara'bahna. Narompoi mengguririkkina, nakali kalo'bong pangparran anggoro', nakabua' too korang la dinii mangngampa. Mangkai joo too, napangpenduluanmi joo bara'bah anggoro' lako ba'tu pira-pira tomendulu, namale lako kampong laen.

Markus 12:1

Mpatarruhmi kadan-Na Puang Isa lako kapala imang, guru agama sola pekaamberan to-Yahudi mpake pangpasusian nakua, “Den mesa' tau ntananni anggoro' bara'bahna. Narompoi mengguririkkina, nakali kalo'bong pangparran anggoro', nakabua' too korang la dinii mangngampa. Mangkai joo too, napangpenduluanmi joo bara'bah anggoro' lako ba'tu pira-pira tomendulu, anna male lako tondok laen.

Lukas 13:6

Mangkai joo too mpau omi pangpasusian Puang Isa susi tee, “Den mesa' tau nnampui garonto' kaju ara lan bara'bah anggoro'na. Tuli malei ntiroi to buanna, apa te'da bang naampa' moi mesa'.

Yahya 1:17

Ia to atoran-Na Puang Allataala nabenki' Nabi Musa, apa ia to pangpakamoja' sola katonganan jio mai Puang Allataala napamanassa Puang Isa Almaseh.

Yahya 1:9

Ia joo Kada, iamo Arrang tongan, ratumo tama lino nnarrangngi penawanna sininna tolino.

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

Yahya 6:32

Nakua Puang Isa ngkuanni, “La miingaran tee kadang-Ku' kumua, tangngia Nabi Musa tonna anu' to mben kamu' kande jao mai suruga, apa Ambe'-Ku' Ia to mben kamu' kande tongan jao mai suruga.

Yahya 6:55

Nasaba' ia to batang kale-Ku', iamo kande tongan, na ia to rara-Ku', iamo apa diiso' tongan.

Roma 11:17

Ia to to-Yahudi dipasusi kaju zaitun dipiara. Na ia to bangsa tangngia to-Yahudi dipasusi kaju zaitun lampung. Den tangke kaju zaitun pira' dipiara na disembangngi dinii mpencangkoran tangke kaju zaitun lampung, iamo to kamu' to bangsa tangngia to-Yahudi. Ia tee jaji, dikua ammiperasai toda barakka' jio mai Puang Allataala to dipatuju lako to-Yahudi.

1 Korintus 3:9

Ia tee kami', tompangjaman Puang Allataala. Na ia to kamu' butung kamu' bara'bah-Na iarika bola-Na Puang Allataala.

1 Yahya 2:8

Apa moi nasusi joo, wa'ding too dikua parenta baru, nasaba' Almasehmora to mpugaukki mipugauk todai. Susimi joo, nasaba' te'damo minnewa Puang Allataala na mangpamulamo kamu' nturu' pakkaeloran-Na Puang.