Yahya 14:6 - Alkitab Duri

⁶ Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 14:6 ပူးပေါင်းရင်းမြစ်များ

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Yahya 1:17

Ia to atoran-Na Puang Allataala nabenki' Nabi Musa, apa ia to pangpakamoja' sola katonganan jio mai Puang Allataala napamanassa Puang Isa Almaseh.

Yahya 1:4

Iamo garonto'na katuoan, na ia toomo Arrang nnarrangngi penawanna tolino.

Yahya 10:28

Angkubenni katuoan melo te'da cappa'na, na te'da tarruhmo namasolang. Moi mesa' tau te'da ngkullei rrampai jio mai Aku'.

Yahya 10:7

Iamo joo nakua pole' Puang Isa, “La miingaran tee kadang-Ku' kumua, Aku'mo to susi babangan to naola bembala' mentama balana.

Yahya 10:9

Aku'mo to susi babangan. Ia to tomentama bala na Aku' naola, la salama'i. Ia joo tau la susi to bembala' mentama messun balana nnampa' kande.

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

Yahya 15:1

Nakua omo Puang Isa, “Aku'mo garonto' anggoro' melo, na Ambe'-Ku' pangbara'bahna.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 5:21

Susi to Ambe'-Ku' mpatuo tomate, nabenni katuoan melo te'da cappa'na, susi todami Aku' Anak mpangben katuoan melo te'da cappa'na lako ia to tokukadoangngi.

Yahya 6:33

Na ia to kande napangben Puang Allataala, Aku'mo to mellao jao mai suruga, na mpangben katuoan melo te'da cappa'na lako tolino.”

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Yahya 6:57

Ia to Ambe'-Ku' to ssuana', Iamo naputuo tau. Susi Aku' tuo jio mai kale-Na, susi toomi to tongkande batang kale-Ku', la tuo jioi mai kale-Ku'.

Yahya 6:68

Mebalimi Simon Petrus nakua, “Oo Puang, inda opara la kinii male? Na Kita' mandara to mpau kada mpangben katuoan melo te'da cappa'na.

Yahya 8:32

na la miissen to Puang Allataala, na Iamo la lla'paran kamu'.”

Yahya 8:51

La mikatappa'i kumua, ia to tonturu' kadang-Ku', te'da tarruhmo nalasikita kamatean.”

Jamanna Rasulu' 3:15

Mangka mipangpebunoan, nasitonganna Iamo garonto'na katuoanna sininna tau. Apa napatuo pole'mi Puang Allataala jio mai kamatean, na kiissen kumua tongan joo, nasaba' kikita kami'.

Jamanna Rasulu' 4:12

Puang Isa mandara mpasalama' tau. Sanga sininna to narande tana nasambo langi' te'da tau laen to naben kuasa Puang Allataala la mangpasalama'.”

Jamanna Rasulu' 9:2

mpeta'da sura' kuasa nabawa lako kapala bola passambajangan to-Yahudi jio kota Damsyik, dikua ianna ampa' to tonturu' pangngajaran-Na Puang Isa jio la muane la baine, wa'dingngi najokko nabawai lako kota Yerusalem.

Roma 15:16

Napupenjajimo' kaunan-Na Puang Isa Almaseh to disua male lako bangsa tangngia to-Yahudi. Na menjajimo' susi imang to mpangpeissenan Kareba Kasalamatan jio mai Puang Allataala. Dennaa upa' na Roh Allataala mpupenjajii to bangsa tangngia to-Yahudi susi karoba to napumasannang penawan-Na Puang Allataala.

Roma 5:2

Iamo nneloranki' mperasai kameloan penawan-Na Puang Allataala to taperasai tee too, nasaba' kamatapparanta'. Jaji la marioki' sanga den kaparannuanta' mputawa kamala'biran-Na Puang Allataala jao suruga.

Roma 5:21

Sipato'ki' mate, nasaba' dosata'. Apa napakamoja'ki' Puang Allataala, napupenjajiki' tomelo. Iamo joo nabenmiki' katuoan melo te'da cappa'na, nasaba' Puangta' Puang Isa Almaseh.

1 Korintus 15:45

Den diuki' lan Sura' Allataala kumua, “Kepenawa to pamula tolino, iamo to Adam,” apa penawa mangpatuo to cappa' Adam, iamo to Almaseh.

Efesus 2:18

anna la to-Yahudi, la totang-Yahudi wa'dingngi nasolan Roh Allataala lako Ambe', nasaba' Almaseh.

Kolose 2:17

Ia joo atoran susiri bajo-bajo to diben la mpamanassai to kameloan la ratu, na Almasehmo to buttinna!

Kolose 2:9

La mikanassai kumua, sininna to apa den jio Puang Allataala, den toda jio Almaseh,

Kolose 3:4

Apa ianna ratu pole'mo to Almaseh, to mben kamu' katuoan baru, iamora joo wattu napajan too to kamala'biran-Na Almaseh ammimala'bih sola.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Ibrani 9:8

Susimi joo napamanassai Roh Allataala kumua ianna den unapa joo Ngenan Macero, te'dapa nawa'ding to tolino mentama Ngenan Kaminang Macero.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Petrus 2:4

Ia to Puang Isa dipasirapang batu ariri petuo. Ia joo batu naca'beanmo tolino, nasaba' nasangai te'da bua'na. Apa ia ke Puang Allataala, nasanga kaminang makeangga'. Memmesa' penawa kamu' sola Puang,

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Yahya 1:8

Ia ke mangkadaki' kumua te'da tamadosa, nnuragaki' kaleta' na te'da too taingaranni to katonganan.

1 Yahya 2:23

Ia to tote'da natarimai to Anak, battuananna te'da too natarimai to Ambe'. Ia tontarimai to Anak, battuananna natarima tooi to Ambe'.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

1 Yahya 5:6

Ia to Puang Isa Almaseh nasuai Puang Allataala mentolino. Najio'i Nabi Yahya mpake wai, na ia to rara-Na lolong, tonna dipampang jao kaju sitamben. Jaji manassa kumua mentolinomo to Puang Isa Almaseh, Anak Allataala. Ia to mpamanassai te'da na ia manda to pangjioran-Na, apa moi kamatean-Na. Moi Roh Allataala mpau tooi kumua mentolinomo to Puang Isa Almaseh, na taissen kumua te'da namangnguraga.

2 Yahya 1:9

Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 19:11

Ngkita omo' suruga titimbak, anna den nyarang mabusa lan. Na ia to tossakei disanga Maruruh na Tongan. Maruruh mangra'tah kara-kara sola mangrari. Disanga too Kada Puang Allataala.

Pengkitanna Yahya 22:1

Na ia joo malaeka' mpakitanna' to sa'dan malinnong cumbillan susi kristal. Ia to wainna mangpatuo, lolong jio mai cadokkoan mala'bih-Na Puang Allataala na Anak Bembala',

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.

Pengkitanna Yahya 3:14

Nasuana' nakua, “Uki'i susi tee lako malaeka'na jamaa jio kota Laodikia: Ia tee pepasan pole jio mai Aku' to disanga Amin, todikatappa'i, sa'bi maruruh na tongan, garonto'na sininna to apa napaden Puang Allataala.

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.