Yahya 14:28 - Alkitab Duri

²⁸ Misa'dingmo kukua, ‘La malena', apa la ratu unapa' lako kalemi.’ Ia ke mipakamoja'na', la masannang kamu' kumale lako Ambe', sanga la'bih makuasa ia to Ambe' na Aku'.

Yahya 14:28 ပူးပေါင်းရင်းမြစ်များ

Matius 12:18

“Iamo tee to pesuro-Ku' kupilei. Iamo tee kupakamoja', to mpamasannangna'. La kuben kapakullean pole jio mai Roh-Ku' Napangpeissenanni to parenta-Ku' lako sininna bangsa.

Yahya 10:38

Apa ia ke kupugaukmi joo jaman nasuanna', micia' ngkatappa'ina', ia bangmo joo jaman kupugauk mikatappa'i kumua jaman pole jio mai Puang Allataala. Na ia minii mpahang tonganni kumua Ambe' memmesa' sola Aku', na Aku' memmesa' sola Ambe'.”

Yahya 13:16

La miingaran tee kadang-Ku' kumua, ia to mesa' kaunan te'da nala'bih matande na puangna, susi toda to todisua te'da nala'bih matande na ia to tossuai.

Yahya 14:12

La miingaran tee kadang-Ku' kumua, ia to tomatappa' lako Aku', la napugauk to apa mangkamo kupugauk. La'bih matonggo pole'pa ia to la napugauk, nasaba' malena' kutorro sola Ambe'-Ku'.

Yahya 14:18

Te'da kulassalai kamu' susi tobiung, apa la ratu unapa' lako kamu'.

Yahya 16:7

Tongan tee kupauan kamu' kumua, ‘La'bih den bua'na lako kamu' ke polena'’, sanga ia ke la te'dai kupole, te'da nalaratu joo tomangpakatana. Apa ia ke polena', la kusuai ratu lako kalemi.

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

Yahya 5:18

Iamo tee to kada gaja mpamasumanga' pekaamberan to-Yahudi nnangah lalan la mbuno Puang Isa. Te'da na ia manda to ntengkai atoran Allo Katorroan, apa ia toomo to nakua, “Ambe'-Ku' to Puang Allataala.” Nasaba' ia ke susii joo, mpapadai kalena Puang Allataala.

Yahya 7:33

Ia joo wattu nakua Puang Isa lako tobuda, “Cingga'tu'mora nate'damo tasola, sanga la polemo' lako to tossuana' ratu.

1 Korintus 11:3

Madoangna' ke miissenpi tee to kumua, Almaseh to ngkapalai muane, na muane ngkapalai baine, na ia to ngkapalai Almaseh Puang Allataala.

1 Petrus 1:8

Moi na te'dapa mikitai to Puang Isa Almaseh tonna anu', apa mipakamoja'i. Na moi tee too te'da too mikitai, apa matappa' kamu' lako kale-Na. Iamo joo ammimario mperasaii to kamasannangan te'da susinna.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”