Yahya 14:21 - Alkitab Duri

²¹ Ia to tontarima parenta-Ku' napugaukki, iamo tompakamoja'na'. La napakamoja' Ambe'-Ku' to tompakamoja'na'. Moi Aku' mpakamoja' todai na kupangpekitan kale-Ku'.”

Yahya 14:21 ပူးပေါင်းရင်းမြစ်များ

Kada Bulawan 8:17

Kupakamoja' to tompakamoja'na', na ia to tolantuk tongan penawanna nnangahna' nang la naampa'na'.

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Yahya 14:15

Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

Yahya 14:18

Te'da kulassalai kamu' susi tobiung, apa la ratu unapa' lako kamu'.

Yahya 15:14

Kusangamo kamu' soba'-Ku', ke mipugaukki to kuparentan kamu'.

Yahya 16:14

La napakala'bihna', nasaba' ia to napauan kamu', natarima pole jio mai kale-Ku'.

Yahya 16:27

sanga napakamoja'mo kamu' Ambe'. Napakamoja' kamu', nasaba' mipakamoja'na', mimatappa' too kumua topole jiona' mai Ambe'.

Yahya 17:23

Memmesa'mo' sola tuu lako taun-Ta', na Ambe' memmesa' sola Aku', anna mattongan-tongan memmesa'mo sola ngasan. Ia ke susii joo na la naissen tolino kumua tasuana', na issen tooi kumua tapakamoja'i tuu lako taun-Ta' susi Aku' tapakamoja'.

Jamanna Rasulu' 22:18

angkukita Puang nakuanna', ‘Madoi'ko ssalai kota Yerusalem, nasaba' ia to tau inde' cia'i ntarimai ke mupangpeissenanna'.’

2 Korintus 12:8

Pentallunna' massambajang lako Puang Allataala, anna lla'paranna' jio mai tee kamaparrisan.

2 Korintus 3:18

Na ia tee too tapupangngarrangmo to kamala'biran-Na Puang, te'damiki' susi to nasamboi kaen to lindota'. Iamo joo samasai-sainna ia to sipa'ta' la susi sipa'-Na Puang, na saendek-endekkena to kamala'biranta' nabenki' Roh Allataala.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

2 Timotius 4:22

Dennaa upa' naampaiko Puang nabarakka'i kamu' sola ngasan! Padamo jolo' too. Sallangki' mati', Paulus.

1 Yahya 2:5

Apa ia to tonturu' kadan-Na Puang Allataala, iamo mpakamoja' tongan Puang Allataala. Iamo tandana kumua mesa' penawamiki' sola Puang Allataala.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

1 Yahya 5:3

Mpakamoja' Puang Allataala battuananna nturu' parenta-Na. Na ia to parenta-Na te'dara masussa dituru',

2 Yahya 1:6

Sipakamoja' battuananna nturu'miki' parenta-Na Puang Allataala. Na ia to parenta misa'dingmo tommimane' matappa', iamo to kumua la da'tan kamu' sipakamoja'.

Pengkitanna Yahya 2:17

Ia to tomangpesa'ding la naingaran to apa napau Roh Allataala lako jamaa. Na ia to topatalo la kueloran ngkande manna to tangdikita sola la kuben batu mabusa to kuuki'imo sanga baru to te'da naissenni tau laen mbacai, apa ia manda to tokuben.”

Pengkitanna Yahya 22:14

Masannang ia to sininna tau mangka mpemaceroi pakean malandona, nadieloran mentama joo kota nnola babangan anna wa'ding kandei to bua kaju Katuoan.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.