Yahya 13:4 - Alkitab Duri

⁴ Iamo joo namengke'deh Puang Isa naalaii to baju lando-Na, na nnala kaen lenan sanglambah napusa'wakki,

Yahya 13:4 ပူးပေါင်းရင်းမြစ်များ

Lukas 12:37

Liwa' masannangna tuu lako kaunan ke naampa'i puangna ntajanni. La mikatappa'i kumua, ia to puangna la massa'wak rampa' todai nasuai joo kaunanna cumadokko naparakaii.

Lukas 17:7

Nakuapa Puang Isa, “Ia ke nnampui kamu' mesa' kaunan to manengko ba'tu mangrewa, apara mikuanni ke polei mangjama? Mikuanrika, ‘Malemoko madoi' kumande!’?

Lukas 17:8

Te'da. Sibalikanna mikuara lako joo kaunan, ‘Massa'wak rampa'ko! Mukamajaina', pasadianna' kandeku', kukumande. Kumangkapa, mumane' kumande.’

Lukas 22:27

Indara to la'bih matonggo: iaraka to tokumande, ba'tu iaraka to tomangparaka? Tantu ia to tokumande. Apa lanna' tangnga-tangngami susi to tomangparaka.

Yahya 13:12

Ia tonna mangka ngasanmo mbaseii ajena anak gurun-Na, mpake pole'mi baju lando-Na, namale pole' cumadokko nakua ngkuan anak gurun-Na, “Mipahangraka to apa mane' mangka kupugauk lako kalemi?

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

1 Yahya 3:11

Ia tommimane' matappa' lako Almaseh dipauanmo kamu' tee pangngajah kumua, la sipakamoja'ki'.