Yahya 13:31 - Alkitab Duri

³¹ Ia tonna malemo Yudas, mangkadami Puang Isa nakua, “La dipakala'bihmo' tee too Aku', Anak Mentolino. Na dipakala'bih tooi to Puang Allataala, nasaba' Aku'.

Yahya 13:31 ပူးပေါင်းရင်းမြစ်များ

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Lukas 12:50

Denpa kamaparrisan tonggo la kuperasai. Na te'da narapa' to penawang-Ku', ke te'dapi najaji.

Yahya 11:4

Ia tonna sa'dingngi Puang Isa joo kareba nakua, “Ia tee saki te'da anna la mpumatei, apa la mpamanassari kamala'biran-Na Puang Allataala sola Aku', Anak Allataala.”

Yahya 12:23

Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.

Yahya 12:28

Oo Ambe' pakala'bihmi sangam-Mi!” Ia tonna mangka mpaui susi joo, den gamara jao mai suruga nakua, “Kupakala'bihmo, na la kupakala'bih unapa!”

Yahya 14:13

Na moi apa mipeta'da mpau sangang-Ku', la kuben kamu', anna dipakala'bih to Ambe', nasaba' Aku' tee Anak.

Yahya 16:14

La napakala'bihna', nasaba' ia to napauan kamu', natarima pole jio mai kale-Ku'.

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)

Jamanna Rasulu' 2:36

Mpatarruh omi kadanna Petrus nakua, “Iamo joo naparallu kamu' to-Israel nnissen tonganni kumua ia to Puang Isa mangka mipampang, Iamo napilei Puang Allataala menjaji Puang na menjaji too Raja Mangpasalama'.”

Jamanna Rasulu' 3:13

Ia to Puang Allataala nasompa tojolota' Nabi Ibrahim, Ishak na Yakub, Iamo mangka mpakala'bih Puang Isa, kaunan-Na. Iamo joo Puang Isa to mipangngolo lako tomangparenta, micia' too ntarimai tonna la lla'paranni Pilatus.

2 Korintus 3:18

Na ia tee too tapupangngarrangmo to kamala'biran-Na Puang, te'damiki' susi to nasamboi kaen to lindota'. Iamo joo samasai-sainna ia to sipa'ta' la susi sipa'-Na Puang, na saendek-endekkena to kamala'biranta' nabenki' Roh Allataala.

Efesus 1:12

Napugaukki susi joo anna ia tee kami' to-Yahudi to pamulanna mangrannuan lako Almaseh, mpakala'bih Puang Allataala to mala'bih.

Efesus 2:7

Napugaukki susi joo dikua anna pangpekitanni lako tolino to tuo lan wattu la dioloi lako kumua tangdikulle mpikkiri'i to pangpakamoja'-Na sola kameloan penawan-Na lako kita', nasaba' ia to napugauk Puang Isa Almaseh.

Efesus 3:10

Napugaukki Puang Allataala susi joo la mpapajanni to mangrupa-rupa kamaccan-Na sola kapaissenan-Na Puang Allataala lako mangrupa-rupa tomakuasa ba'tu tomangparenta jao langi' ke nakitai to tomatappa' menjaji susi mesa' kale.

Filipi 2:11

Na sininna tokepenawa la mangngaku kumua, “Puang to Isa Almaseh”, anna la dipakala'bih to Ambe' Puang Allataala.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.