Yahya 13:3 - Alkitab Duri

³ Naissen Puang Isa kumua sininna kuasa napaben ngasanmo Ambe' lako kale-Na. Naissen too kumua topole jioi mai Puang Allataala, na la pole lako pole' tooi Ia Puang Allataala.

Yahya 13:3 ပူးပေါင်းရင်းမြစ်များ

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Lukas 10:22

Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 3:13

Na moi mesa' tau te'dapa ia endek de' suruga, apa mane' Aku'ra tee, Anak Mentolino, to pole jaomo mai.

Yahya 3:35

Napakamoja' Ambe' to Anak, jaji sininna apa napangben ngasanmo nakuasai Anak.

Yahya 7:29

Kuissen Aku', nasaba' topole jiona' mai kale-Na, na Iamo ssuana' ratu.”

Yahya 7:33

Ia joo wattu nakua Puang Isa lako tobuda, “Cingga'tu'mora nate'damo tasola, sanga la polemo' lako to tossuana' ratu.

Yahya 8:14

Mebalimi nakua, “Moi kusa'bii kale-Ku', tongan to kadang-Ku', nasaba' kuissen to kunii ratu, kuissen too to la kunii male. Nate'da miissenni to kunii ratu, ba'tu la kunii male.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Jamanna Rasulu' 2:36

Mpatarruh omi kadanna Petrus nakua, “Iamo joo naparallu kamu' to-Israel nnissen tonganni kumua ia to Puang Isa mangka mipampang, Iamo napilei Puang Allataala menjaji Puang na menjaji too Raja Mangpasalama'.”

1 Korintus 15:27

Den diuki' lan Sura' Allataala kumua, “Napangben ngasan Puang Allataala to sininna apa nakuasaii.” Ia to disanga sininna apa, te'da nadireken to Puang Allataala to mangpangben.

Ibrani 1:2

Apa ia tee wattu tampakkana lino nasuai to Anak mpaui lako kita'. Ia joo Anak mangkamo napattantu Puang Allataala to sipato' mpuapai to sininna apa, nasaba' Iamo napake Puang Allataala mpadenni tee lino.