Yahya 13:24 - Alkitab Duri

²⁴ Nako'bi'i Simon Petrus kumua namekutana lako Puang Isa, indara ia joo nasanga.

Yahya 13:24 ပူးပေါင်းရင်းမြစ်များ

Lukas 1:22

Na ia tonna messunmo Zakharia, tangnaissenmi mangkada. Mangkada tomamang bangmira lako tau, sanga mamangmi. Ta'pa naissenmi tobuda kumua mangkami ngkita pengkita makalaen-laen lan Bola Puang Allataala.

Lukas 5:7

Iamo joo nako'bi'i to solana jio lopi laen naratu mbalii. Ratu ngasanmi to solana mbalii, napatamai dua lopi joo bale, na ci'di'mora nakaran.

Yahya 13:23

Na ia to anak gurun-Na Puang Isa, to liwa' napakamoja', cumadokko jio sa'de-Na.

Yahya 13:25

Mpuperra'bai kalena lako Puang Isa namekutana lako nakua, “Oo Puang, indara ia?”

Jamanna Rasulu' 12:17

Mpupangngimbai limanna Petrus nakamma' to tau, namane' ncuritanni umbo nakua Puang la'paranni lan mai pangtarungkuan. Nakua, “Pauanni Yakub to apa jaji sola tomatappa' pira'.” Mangkai joo too messunmi, namale lako bola laen.

Jamanna Rasulu' 13:16

Ke'dehmi Paulus nampupangngimba limanna nta'tan tau nakua, “Ee kamu' padangku' to-Israel na kamu' to ssompa todamo Puang Allataala, pesa'dingngii!

Jamanna Rasulu' 21:40

Ia tonna dieloranmo mangkada, ke'dehmi jio pelalan, nampupangngimba-imba limanna nta'tan tau. Ia tonna kamma'mo tuu lako tau, mangkadami Paulus mangbasa to-Yahudi nakua,