Yahya 13:21 - Alkitab Duri

²¹ Ia tonna mangkamo Puang Isa mpaui joo, liwa'mi maliah penawan-Na, anna kumua, “La miingaran tee kadang-Ku' kumua, den kamu' mesa' la mpangpejokkoanna'!”

Yahya 13:21 ပူးပေါင်းရင်းမြစ်များ

Matius 26:21

Ia tonna kumande ngasan unapa, nakuamo Puang Isa, “La miingaran tee kadang-Ku' kumua, den kamu' mesa' la mpangpejokkoanna'!”

Matius 26:38

Nakuamo lako joo tallu anak gurun-Na, “Liwa' masussanna penawang-Ku' susi to kumua la matemo'. Torromo kamu' ntee, tapada merroja.”

Markus 14:18

Ia tonna kumande ngasan unapa, nakuamo Puang Isa, “La miingaran tee kadang-Ku' kumua, den kamu' mesa' la mpangpejokkoanna', to kusolan kumande tee too!”

Markus 3:5

Nakita mengguririkmi Puang Isa tuu lako tau na magalli, apa masse tooi penawan-Na, nasaba' totangmangpesa'ding ngasanni. Nakuanni joo tomate sangbali limanna, “E'te'i tuu limammu!” Nae'te'mi to limanna, namelo pole'mo.

Yahya 11:33

Ia tonna kitami Puang Isa to Maryam mbating sola to to-Yahudi nasolan ratu, massemi penawan-Na namaranna'.

Yahya 11:35

Nakumarrak to Puang Isa.

Yahya 11:38

Maranna' pole'i Puang Isa, namale lako liang. Liwa' tonggo joo liang, naditungu'i batu to babana.

Yahya 12:27

Nakua Puang Isa, “Gaja liah penawang-Ku'. Apara to la kupau tee too? La kukuaraka, ‘Oo Ambe', pasalama'na' jio mai tee kamaparrisan’? Te'da, sanga iamo joo nasuanna' Ambe'-Ku', angkuratu.

Yahya 13:18

Na ia tee apa mane' mangka kupau, te'da na kamu' ngasan kupauan. Kuissen ngasan to tau kupileimo. Apa la jaji to kada mangka diuki' lan Sura' Allataala kumua, ‘Ia to tokusolan kumande, la nnewana'.’

Yahya 13:2

Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Yahya 13:22

Ta'pa sikita-kitai to anak gurun-Na, nasijangngaran, sanga te'da naissenni kumua indannara to nasanga.

Jamanna Rasulu' 17:16

Ia tonna tajan bangmi Paulus to Silas sola Timotius jio kota Atena, masussami penawanna ngkitai joo kota ponno tau-tau dewata.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.