Yahya 13:14 - Alkitab Duri

¹⁴ Ia ke Aku' Gurummi sola Puangmi kubasean kamu' ajemi, moi kamu' parallu too sibasean ajemi.

Yahya 13:14 ပူးပေါင်းရင်းမြစ်များ

Jamanna Rasulu' 20:35

Budamo to kupakitan kamu' la miala palelean mata kumua sila'da'ki' mangjama ntulung to totangpakulle. La miingaran to apa mangka napau Puang Isa nakua, ‘La'bih masannang ia to mangpabengan na ia to mangtarima.’ ”

Roma 12:10

Sipakamoja' kamu' susi to tosile'to, misitaratte' too.

Roma 12:16

La mesa' penawa kamu'. Danggi' na den ssanga kalena tomajao, apa la siama' kamu' tomajiong. Danggi' misanga kalemi tomacca.

1 Korintus 12:3

Iamo joo kupamanassan kamu' kumua, ia to tonapatuju Roh Allataala, moi mesa' tau te'da nalamangkada kumua, “Tampak ropu ia joo Puang Isa.” Susi toomi joo te'da mesa' tau ngkullei mangkada kumua, “Puang to Isa!” ke te'dai napatujui Roh Allataala.

1 Korintus 8:13

Iamo joo na ia ke la kandera napumadosa padangku' tomatappa', la'biran danggi' lalomo kukande juku'.

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Galatia 5:13

Ee, tokupusile'to! Nala'paranmo kamu' Puang Isa jio mai atoran agama! Apa danggi' mipake salai to kadila'paranmi mpugauk mangrupa-rupa kagajatan situru' kamadoangan penawammi, apa la situlungra kamu', misipakamoja' too.

Filipi 2:11

Na sininna tokepenawa la mangngaku kumua, “Puang to Isa Almaseh”, anna la dipakala'bih to Ambe' Puang Allataala.

1 Timotius 5:10

kaissenan kumua melo panggaukanna, susinna njampang melo anakkana, masannang ke den tau leppangngii, mbalii tomatappa', ntulung tomasussa, na tuli mpugauk kamakassingan laennapa.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

1 Petrus 4:1

Mangkami Almaseh mperasai kamapa'dikan jao kaju sitamben. Iamo joo moi kamu' la sadia toda kamu' mperasaii susi to naperasai Almaseh. Sanga ia to tomangkamo mperasai kamapa'dikan susi joo cia'mo mpugauk dosa.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”