Yahya 13:13 - Alkitab Duri

¹³ Misangana' Guru sola Puang, na tongan joo, sanga Guruna' ku-Puang too.

Yahya 13:13 ပူးပေါင်းရင်းမြစ်များ

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Lukas 10:28

Mebalimi nakua, “Tongan tuu pebalimmu. Pugaukmi, ammuampa' katuoan melo te'da cappa'na.”

Lukas 6:46

Mangngajahhimi Puang Isa nakua, “Ciapari mipekapuangngina', apa te'da mipugaukki to apa kupauan kamu'?

Lukas 7:43

Mebalimi Simon to-Farisi nakua, “Kusanga ia to budanna indanna diputtai!” Nakuamo Puang Isa, “Tongan tuu pebalimmu.”

Yahya 11:28

Ia tonna mangkamo Marta mangkada susi joo, malemi nasipangkada buni Maryam sile'tona nakua, “Denni Guru jio, naangahko.”

Yahya 11:3

Ia joo sile'tona dua baine ngkiringanni kareba Puang Isa nakua, “Oo Puang, ia to totapakamoja', masakii.”

1 Korintus 12:3

Iamo joo kupamanassan kamu' kumua, ia to tonapatuju Roh Allataala, moi mesa' tau te'da nalamangkada kumua, “Tampak ropu ia joo Puang Isa.” Susi toomi joo te'da mesa' tau ngkullei mangkada kumua, “Puang to Isa!” ke te'dai napatujui Roh Allataala.

1 Korintus 8:6

Apa ia ke kita', mesa'ra Puang Allataala. Iamo to Ambe' Puang Allataala to mpadenni to sininna apa, na ia to katuoanta' tapatuju lako kale-Na. Mesa' toora Puang, iamo joo Puang Isa Almaseh. Sininna apa dipaden nasaba' Ia. Ia too mpusaba'i antatuo.

Efesus 6:9

Ee, kamu' to puang! La susi too mipugauk lako kaunanmi, danggi' migarra'i. Ingaranni kumua ia to Puangna jao suruga ia bang una Puangmi, na te'da namangpasilaenan lako tolino.

Filipi 2:11

Na sininna tokepenawa la mangngaku kumua, “Puang to Isa Almaseh”, anna la dipakala'bih to Ambe' Puang Allataala.

Filipi 3:8

Kupurugi ngasan joo, nasaba' kupahang kumua la'bih melo to nnissen Puangku' Puang Isa Almaseh, na ia to laenna. Te'da ngasanmo kupugaukki, na kusangamira burauk, dikua angkuampa'i to Almaseh,

Yakub 2:19

Mukatappa'i kumua mesa'ra to Puang Allataala. Tongan tuu! Na moi sininna setang napangngakui too joo. Iamo mbe'beran malaja'.