Yahya 13:11 - Alkitab Duri

¹¹ Naissen Puang Isa to tolampangpejokkoanni, iamo joo nakua kumua, “Maceromo kamu', apa te'dari mimacero ngasan.”

Yahya 13:11 ပူးပေါင်းရင်းမြစ်များ

Yahya 13:18

Na ia tee apa mane' mangka kupau, te'da na kamu' ngasan kupauan. Kuissen ngasan to tau kupileimo. Apa la jaji to kada mangka diuki' lan Sura' Allataala kumua, ‘Ia to tokusolan kumande, la nnewana'.’

Yahya 13:2

Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Yahya 13:21

Ia tonna mangkamo Puang Isa mpaui joo, liwa'mi maliah penawan-Na, anna kumua, “La miingaran tee kadang-Ku' kumua, den kamu' mesa' la mpangpejokkoanna'!”

Yahya 13:26

Mebalimi nakua, “Ia to la kucummuran roti do' mangko', kumane' mbenni.” Mangkanna Puang Isa mangkada susi joo, nnalami roti nacummui do' mangko', nabenni Yudas anakkana Simon Iskariot.

Yahya 17:12

Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Yahya 18:4

Naissen ngasan Puang Isa to apa la jaji lako kale-Na. Jaji malemi ngkandoppi'i tuu lako tau, namekutana nakua, “Indara miangah?”

Yahya 2:25

Te'da naparallu dipangpeissenan lako Puang Isa kumua matumba sipa'na to tolino, nasaba' naissen jolo Ia to apa lan penawanna tau.