Yahya 13:1 - Alkitab Duri

¹ Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 13:1 ပူးပေါင်းရင်းမြစ်များ

Kada Bulawan 8:31

Mangmasannang-sannangna' nni tee lino Napaden, kupumasannang ngkita tolino panggaragan-Na.

Matius 26:45

Mangkai joo too, polemi lako to nanii tallu anak gurun-Na namangkada nakua, “Mamma' bang unapara kamu'ka mpessau bo'jo'mi? Kitai! Nadete'mi wattunna tee Aku', Anak Mentolino, la dipangbenna' lako kuasanna tomadosa.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Lukas 22:53

Allo-allo solaki' jio Bola Puang Allataala, na te'da mijokkona'. Apa iamo tee wattunna minii sola kuasanna Ballisi' la mangpugauk.”

Lukas 9:51

Ia tonna la madoi'mo Puang Isa diangka' de' suruga, nakuamo, “La malena' de' kota Yerusalem.”

Yahya 11:55

Na ia joo wattu madoi'mo to pangrameanna to-Yahudi disanga pangramean Paskah. Na buda tau jio mai kampong malemo de' kota Yerusalem mpemaceroi kalena situru' atoran agamanna, namane' wa'ding mang-Paskah.

Yahya 12:23

Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.

Yahya 13:29

Den tossangari kumua, mbai nasuai Puang Isa male nnalli kaparalluan la dipake pangramean iarika nnalli apa-apa la diben tokaasi-asi, nasaba' Yudas ntoe sepu' doi'.

Yahya 13:3

Naissen Puang Isa kumua sininna kuasa napaben ngasanmo Ambe' lako kale-Na. Naissen too kumua topole jioi mai Puang Allataala, na la pole lako pole' tooi Ia Puang Allataala.

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

Yahya 14:28

Misa'dingmo kukua, ‘La malena', apa la ratu unapa' lako kalemi.’ Ia ke mipakamoja'na', la masannang kamu' kumale lako Ambe', sanga la'bih makuasa ia to Ambe' na Aku'.

Yahya 14:31

Apa la jaji ngasan susi joo, nasaba' parallu naissen tolino kumua mpakamoja'na' Ambe'. Iamo joo kupugaukki to sininna apa naparentanna'. Ikee, tamellele ntee.”

Yahya 16:28

Topole jiona' mai Ambe', kumentama lino. Na ia tee too la kusalaimi tee lino, kupole pole' lako Ambe'.”

Yahya 17:1

Ia tonna mangkamo Puang Isa mpaui joo, mentingngarami de' langi' nakua, “Oo Ambe', nadete'mi wattunna. Pakala'bihmo' tee Aku' Anak, angkupakala'bih tooki'.

Yahya 17:16

Susi Aku' tangngiana' taunna totangmatappa', moi tuu lako taun-Ta' tangngia too taunna.

Yahya 17:26

Kupangpeissenanmiki' lako tuu lako taun-Ta', na la kupugauk tarruh susi joo, dikua naperasai to pangpakamoja'-Ta' lako Aku', susi Aku' mperasaii, angkumemmesa' sola tuu lako taun-Ta'.”

Yahya 17:5

Oo Ambe'! Pakala'bihmo' tee too. Ben pole'mo' to kamala'biran kuampuimo tontasola unapa, tonna te'dapa nadipaden tee lino.

Yahya 18:4

Naissen ngasan Puang Isa to apa la jaji lako kale-Na. Jaji malemi ngkandoppi'i tuu lako tau, namekutana nakua, “Indara miangah?”

Yahya 19:28

Ia tonna issenmi Puang Isa kumua mangka ngasanmi najama to nasuanni Ambe', mangkadami nakua, “Mawakkena'” anna jaji to diuki' lan Sura' Allataala.

Yahya 2:13

Ia joo wattu madoi'mo nadete' pangrameanna to-Yahudi disanga Allo Paskah, namale Puang Isa de' kota Yerusalem.

Yahya 6:4

Ia joo wattu madoi'mo nadete' to pangrameanna to-Yahudi disanga pangramean Paskah.

Yahya 7:30

Ia joo wattu den tau pada nnangah lalan la njokkoi, apa moi mesa' tau te'da barani njokkoi, nasaba' te'dapa nadete'i wattunna.

Yahya 7:6

Nakua Puang Isa ngkuanni, “Te'dapa nadete'i wattung-Ku'. Ia ke kamu', sininna wattu wa'ding ngasan minii male.

Yahya 8:20

Ia tee kada napau Puang Isa tonna mangngajahhi jio rante Bola Puang Allataala sikandoppi' patti doi' sudakka. Apa moi mesa' tau te'da njokkoi, nasaba' te'dapa nadete'i wattunna.

Roma 8:37

Apa sapatalo-talota', sanga naampaiki' to tompakamoja'ki'.

1 Korintus 1:8

Puangta' Puang Isa Almaseh Ia la mpamawatang kamu' mida'tan matappa' ratu lako cappa'na anna moi ci'di' te'da kasalanmi, ke ratu pole'mi.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Ibrani 6:11

Gaja kirannuan kumua kemmipada masumanga' tarruh ratu lako cappa'na ammitarimai to apa mirannuan.

1 Petrus 1:13

Jaji, pasadia meloi to penawammi, sanga ia joo apa mangka napugauk Puang Allataala. Ta'tanni kalemi, miparannuan tonganni joo barakka' la diben kamu' ke ratu pole'mi Puang Isa Almaseh.

1 Yahya 4:19

Mangpakamoja'ki', nasaba' napakamoja'ki' Puang Allataala.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.