Yahya 12:9 - Alkitab Duri

⁹ Buda to-Yahudi ssa'dingngi kumua jioi kota Betania to Puang Isa, iamo joo namale lako la ssitammuanni. Te'da na Puang Isa manda naparallui namale lako, apa male tooi ngkita Lazarus, to mangka napatuo pole' jio mai kamatean.

Yahya 12:9 ပူးပေါင်းရင်းမြစ်များ

Markus 12:37

Jaji ia ke Raja Daud mpekapuangngii joo Raja Mangpasalama', matumbai nalabati'na Raja Daud?” Ia to tobuda lan Bola Puang Allataala masannangngi ssa'ding Puang Isa mangngajahhi.

Yahya 12:1

Annanpa allona namane' pangramean Paskah, ratumi Puang Isa jio kota Betania to nanii torro Lazarus, to mangka napatuo pole' Puang Isa jio mai kamateanna.

Yahya 12:10

Na ia to kapala imang madoang too la mbuno Lazarus,

Yahya 12:12

Ia tonna masawannamo, buda tau jio kota Yerusalem ssa'dingngi kumua mangtangnga lalanmi Puang Isa mangnguju lako kota. Ia joo wattu gaja budamo tau ratu sirempun la mpamaroahhi to pangramean Paskah jio kota Yerusalem.

Yahya 12:17

Buda tau to nasolan Puang Isa tonna tambaii to Lazarus messun lan mai liang anna patuo pole'i jio mai kamatean, male bang mpangpeissenanni joo kareba.

Jamanna Rasulu' 4:14

Na te'damo apa napau, sanga jioi joo to mangka dipamaleke ke'deh jio sa'dena Petrus sola Yahya.