Yahya 12:48 - Alkitab Duri

⁴⁸ Ia to tocia' ntarimana' sola tocia' mpesa'dingngi kadang-Ku', iamo joo kada kupangpeissenan la rra'tah kara-karana ke Kiama'mi lino.

Yahya 12:48 ပူးပေါင်းရင်းမြစ်များ

Matius 10:15

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom na to-Gomora.”

Matius 21:42

Nakuamo Puang Isa lako, “Tantu denmo mibacai lan Sura' Allataala to mpauna' kumua, ‘Ia to batu naca'bean pande bola menjajimo batu ariri petuo. Iamo tee panggaukan-Na Puang Allataala to kaminang melo.’ ”

Matius 25:31

Mpatarruhhi kadan-Na Puang Isa nakua, “Ia ke ratu pole'na' Aku', Anak Mentolino, sola sininna malaeka'-Ku' mpupangngarrang kamala'biran-Ku', la cumadokkona' jao cadokkoan mala'bih, angkumangparenta susi Raja.

Markus 12:10

Tantu denmo mibacai tee aya' lan Sura' Allataala to mpauna' kumua, ‘Ia to batu naca'bean pande bola, menjajimo batu ariri petuo.

Markus 16:16

Ia to tongkatappa'ii na dijio', la salama', nasaba' te'damo nadireken to salana, apa ia to tote'da nakatappa'ii la nasessa Puang Allataala.

Markus 8:31

Ia tonna mangkamo joo, napamulami Puang Isa nnajahhi anak gurun-Na nakua, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Lukas 10:16

Nakuamo Puang Isa lako tonturu'i, “Ia to tau mpesa'dingngi kamu', padamo to Aku' napesa'dingngi. Ia to tote'da natarima kamu', padamo to Aku' te'da natarimai. Na ia to totangntarimana', padamo to Puang Allataalara, to ssuana', te'da natarimai.”

Lukas 17:25

Apa tee too la gaja parri'na', na te'da too natarimana' tee tau too allo.

Lukas 20:17

Apa nakaje'jekki Puang Isa nakuanni, “Ia ke susii joo, apara battuananna tee aya' lan Sura' Allataala kumua, ‘Ia to batu naca'bean pande bola, menjajimo batu ariri petuo.’

Lukas 7:30

Apa ia to to-Farisi na guru agama cia'i ntarima akkatta-Na Puang Allataala to mpatu kalena, nacia'i najio' Nabi Yahya.

Lukas 9:22

Nakuapa Puang Isa, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Lukas 9:26

Ia to tongkasirisanna' na te'da naakui to pangngajaran-Ku', la kukasirisan todai tee Aku', Anak Mentolino, ke ratuna' mpupangngarrang kamala'biran-Ku' to susi una kamala'biran-Na Ambe'-Ku' na kamala'biranna malaeka'-Ku'.

Yahya 11:24

Mebalii Marta nakua, “Kuissen kumua la tuo pole', ke dipatuomi to tomate ke Kiama'mi lino.”

Yahya 5:45

Danggi' misangai kumua la kupasala kamu' jio olo-Na Ambe'. Ia to la mpasala kamu', Nabi Musara to misanga la ntulung kamu'.

Yahya 6:39

Iamo tee pakkaeloran-Na to Ambe' to kumua sininna to tau nabenmo', moi mesa' te'da nalamasolang, apa la kupatuo pole' ke Kiama'mi lino.

Yahya 8:47

Ia to topole jio mai Puang Allataala nakabudai mpesa'dingngi kadan-Na Puang Allataala. Apa ia to kamu' cia' kamu' mpesa'dingngii, sanga te'da mipole jio mai Puang Allataala.”

Jamanna Rasulu' 17:31

Nasaba' mangkamo napattantuan mesa' allo la dinii rra'tahhi to panggaukanna to tolino situru' kamarurusan-Na. Denmo mesa' tau napilei la mpugaukki joo. Mangkamo napatuo pole' joo tau jio mai kamatean, dikua anna manassa kumua Iamo napilei.”

Jamanna Rasulu' 3:23

Ia to tau te'da napesa'dingngii to apa napau joo nabi, la disarakki jio mai umma'-Na Puang Allataala na disabu'i.’

Roma 2:16

Susimi joo to la jaji ke Kiama'mi lino. Ia joo allo, situru' Kareba Kasalamatan kupangpeissenan, nasuai Puang Allataala to Puang Isa rra'tah kara-kara to membuni lan penawanna tolino.

2 Korintus 4:3

Ia ke den tau te'da napahangngi to Kareba Kasalamatan kipangpeissenan, iamo tandana kumua mangnguju lakoi naraka.

2 Tesalonika 1:8

na den too api manglaka-laka. La ratu pole'i to Puang Isa na ssessai to tote'da nakasiri' Puang Allataala sola tocia' ntarimai to karebanna Puangta' Puang Isa.

Ibrani 10:25

Melo ke tuli sirempunki' ssompa Puang na danggi' taden makuttu sirempun susi to napugauk ba'tu pira-pira tau. Sipupangngingaran tarruhki', sanga taissen kumua cingga'tu'mora naratu Puang.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Ibrani 4:12

Kada tuo na mawatang too to kadan-Na Puang Allataala, na la'bih mataran na ia to pa'dang mataran patomali. Susi pa'dang ntarruh kale ratu lako panglesoan na buku lampa, susi too kadan-Na Puang Allataala ntarruh penawa nnissen pikkirisanna sola akkalanna tolino.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

2 Petrus 3:3

Ia to kaminang parallu la miissen, iamo to kumua, ia ke la Kiama'mi lino, den tau ratu to nturu' bang kamadoangan gaja'na. La nacapa'-capa' kamu',

2 Petrus 3:7

Ia to langi' na lino tee too naampai Puang Allataala mpake kadan-Na, arannai nadete' wattunna la dira'tah kara-karana to tolino. Ia joo wattu la disabu'i to langi' na lino nakande api, anna ia to totangmangpesa'ding la disessa na disabu'i.