Yahya 12:47 - Alkitab Duri

⁴⁷ Na ia to tossa'ding kadang-Ku', na te'da napugaukki, te'da na Aku' la ssessai, nasaba' te'da kuratu la ssessai to tolino, apa la kupasalama'ri.

Yahya 12:47 ပူးပေါင်းရင်းမြစ်များ

Matius 18:10

Mpatarruhpa kadan-Na Puang Isa nakua, “Ingaranni! Danggi' na den tee pea biccu' mikita majiong. Nasaba' la miissen kumua, den malaeka'na jio olo-Na Puang Allataala jao suruga nnampaii. [

Matius 18:11

Nasaba' Aku', Anak Mentolino, mentama lino la mpasalama' to tolao salamo natumang dosa.]

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Lukas 19:10

Ia tee Aku' Anak Mentolino, ratuna' nnangah sola mpasalama' tolao sala.”

Lukas 9:56

Ia tonna mangka joo, malemi lako kampong laen.

Yahya 12:48

Ia to tocia' ntarimana' sola tocia' mpesa'dingngi kadang-Ku', iamo joo kada kupangpeissenan la rra'tah kara-karana ke Kiama'mi lino.

Yahya 3:17

Nasuai Puang Allataala to Anak mentama lino, te'da anna la sessai to tolino, apa la napasalama'ri.

Yahya 5:45

Danggi' misangai kumua la kupasala kamu' jio olo-Na Ambe'. Ia to la mpasala kamu', Nabi Musara to misanga la ntulung kamu'.

Yahya 8:26

Budapa to wa'ding la kupau mpasala kamu', apa te'da kupugaukki. Apa ia to tossuana', wa'ding dikatappa'i, na ia to apa kusa'ding jio mai kale-Na, ia toomo kupau lako kamu' tolino.”

2 Petrus 3:15

Sangami kumua ia to kasabbarasan-Na Puangta', iamo mesa' wattu la nanii mpasalama' kamu'. Mangka toomo Paulus, padanta' tomatappa' to tapakamoja', mpamanassai joo lan sura'na to nakiringan kamu', situru' to kapaissenan nabenni Puang Allataala.

1 Yahya 4:14

Kikitamo kami' na kipangpeissenan toomo kumua nasuami Ambe' Puang Allataala mentolino to Anak Allataala anna pasalama'i to tolino.