Yahya 12:44 - Alkitab Duri

⁴⁴ Nnandongngii gamaran-Na Puang Isa nakua, “Ia to tomatappa' lako Aku', tangngia Aku' manda nakatappa'i, apa matappa' tooi lako Puang Allataala to ssuana'.

Yahya 12:44 ပူးပေါင်းရင်းမြစ်များ

Kada Bulawan 1:20

Pesa'dingngii! Kamaccan susi to tometamba jio lalan, susii tau mpeandongngi gamaranna jio pasa',

Kada Bulawan 8:1

Pesa'dingngii! Ia to kamaccan butung baine metamba-tamba. Na kamapahangan, butung to tometamba mpeandongngi gamaranna,

Matius 10:40

Mpatarruhpa kadan-Na Puang Isa nakua, “Ia to tontarima kamu', padamo to Aku' natarima. Na ia to tontarimana', padamo to ntarima Puang Allataala to ssuana'.

Markus 9:23

Mebalimi Puang Isa nakua, “Ah, apa mukua? Ia ke kukullei? Moi apa nang la jaji, ke nakatappa'i tonganna' tau.”

Markus 9:37

“Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', tangngia Aku' manda natarima, apa natarima toomo to Puang Allataala to ssuana'.”

Yahya 11:43

Ia tonna mangkamo mangkada susi joo, nnandongmi gamaran-Na nakua, “Oo Lazarus, messunko mai!”

Yahya 13:20

La miingaran tee kadang-Ku' kumua, ia tontarimai to tokusua, iamo to ntarimana'. Na ia tontarimana', ia toomo ntarimai to tossuana'.”

Yahya 5:24

La miingaran tee kadang-Ku' kumua, ia to tompesa'dingngi to kadang-Ku', namatappa' lako to tossuana', iamo tonnampui katuoan melo te'da cappa'na. Te'damo ia naladisessa. La'pahmi jio mai kamatean, anna nnampa' katuoan melo te'da cappa'na.

Yahya 7:28

Ia tonna mangngajahhi Puang Isa jio rante Bola Puang Allataala, naandongngi gamaran-Na nakua, “Mipikkiri' kumua miissen indana' tee, na topole umbona'. Apa ia to karatuan-Ku' te'da naeloh-Ku', apa nasuana' Puang Allataala to sipato' dikatappa'i, na Iamo te'da miissenni.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.