Yahya 12:36 - Alkitab Duri

³⁶ Katappa'ii tee Aku' arrang ke sola unapiki', ammimenjaji anak arrang.” Ia tonna mangkamo Puang Isa mangkada susi joo, mellelemi na te'damo napangpekitan kalena lako tobuda.

Yahya 12:36 ပူးပေါင်းရင်းမြစ်များ

Matius 21:17

Messarakmi Puang Isa jio mai tuu lako tau, namale lako kota Betania, namangbongi jio.

Matius 5:14

Kamu'mo to dipasusi arrangna tolino. Ia to kampong jao buntu la pajan ia.

Lukas 16:8

Ia tonna sa'dingmi tosugih to apa napugauk joo pangjama tangmaruruh, napujii nasaba' maccai mangngakkalan. Nasaba' ia to tolino tangnturu' Puang Allataala, la'bih macca ia lako padanna rupa tau, na ia to tonturu'mo Puang Allataala.”

Yahya 1:7

Iamo menjaji sa'bi ratu mpangpeissenanni joo Arrang, anna kitai tobuda, namenjaji matappa'.

Yahya 11:54

Iamo joo na te'damo napangpekitan kalena Puang Isa lako tobuda jio tana Yudea. Mellelemi lako kota disanga Efraim sikandoppi' padang pallawangan, natorro jio sola anak gurun-Na.

Yahya 12:37

Moi nabudamo tanda mejangngaran napugauk Puang Isa jio olona tobuda, apa cia'i ngkatappa'i.

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Yahya 3:21

Apa ia to tompugauk pakkaeloran-Na Puang Allataala, ratu ia lako arrang, anna menjaji manassa to kumua ia to panggaukanna situru'mo pakkaeloran-Na Puang Allataala.”

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 8:59

Ia tonna sa'dingngi to-Yahudi joo kadan-Na, pada nnalai batu la nalekkosanni samate-Na, apa membunii Puang Isa, namane' male ssalai Bola Puang Allataala.

Efesus 5:8

Ia tonna jolona ia to sipa'mi susi sipa'na to tote'da naissen Puang, apa ia tee too nnissenmo kamu' Puang. Iamo joo ia to panggaukanmi la susi unamo panggaukanna umma'-Na Puang.

1 Tesalonika 5:5

Tuo kamu' nturu' pakkaeloran-Na Puang Allataala. Tangngiaki' tomanggauk gaja'.

1 Tesalonika 5:8

Apa ia to kita' tee, tonturu'ki' pakkaeloran-Na Puang Allataala. Iamo joo la nta'tanki' kaleta'. Paralluki' da'tan matappa' lako Puang Allataala, tapakamoja' padanta' rupa tau, anna den pellendunganta' susi surudadu mpake baju bassi. Takatappa'i tooi kumua la napasalama'ki' Puang Allataala, anna den pellendunganta' susi surudadu mpake topi bassi.