Yahya 12:34 - Alkitab Duri

³⁴ Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Yahya 12:34 ပူးပေါင်းရင်းမြစ်များ

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Daniel 7:27

Na ia to kamangparentan, kakuasan sola kamala'biranna kaparentan lan sininna lino la dipangbengan lako umma'-Na Allataala Tomala'bih. Ia to kaparentanna la tarruh te'da anggena, na sininna tomakuasa la tatta' mpangjamanni na mangpesa'ding.’

Matius 16:13

Malemi Puang Isa lako siandahna kota Kaisarea Filipi. Ia tonna ratumo lako, nakutanaimi to anak gurun-Na nakua, “Ia ke pahangna tau, indara nasanganna' tee Aku', Anak Mentolino?”

Matius 21:10

Ia tonna ratumo de' kota Yerusalem to Puang Isa, sireka bangmi to tau lan. Na pada mekutana nakua, “Indara ia joo tau?”

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Yahya 10:34

Nakua Puang Isa, “Den diuki' lan Sura' Allataala kumua: Nakua Puang Allataala, ‘Kamu'mo dipapada allataala.’

Yahya 12:32

Apa ia tee Aku', la dipamajaona' lan lino, na la kuparatu to sininna tau lako Aku'.”

Yahya 15:25

Apa nang la susimi ia joo anna jaji to diuki' lan sura'na Nabi Musa kumua, ‘Nakaba'cina', moiraka nate'da kupugauk dosa.’

Yahya 8:28

Iamo joo nakua pole' Puang Isa ngkuanni, “Ia ke mipampangmo' jao kaju sitamben tee Aku', Anak Mentolino, mane'ra kamu' nnissenni kumua, Aku'mo tee to disanga ‘DENNA'’. Mane' toori miissen kumua, te'da kupugaukki to apa situru' pakkaeloran-Ku', apa ia manda to naajaranna' Ambe'-Ku'.

Roma 3:19

Taissenmo kumua ia to atoran agama dipatuju lako to tomangka diben joo atoran. Iamo joo na te'damo tau wa'ding mpangngewan kalena, apa Puang Allataala la mbenni assele' panggaukanna to sininna tolino.

Roma 5:18

Jaji, nang la dicallai to sininna tolino, nasaba' panggaukan gaja'na mesa' tau, iamo to Nabi Adam. Susi unai joo la dila'paran to tolino jio mai pangcalla na diben katuoan, nasaba' panggaukan melo-Na mesa' tau, iamo to Almaseh.

Ibrani 7:24

Na ia to kaimangan-Na Puang Isa te'da nadiben tau laen, sanga tuoi te'da cappa'na.