Yahya 12:31 - Alkitab Duri

³¹ Nadete'mi wattunna la dira'tah kara-karana tolino. Ia tee too la dica'beanmo lako salean to Ballisi' to ngkuasaii tee lino.

Yahya 12:31 ပူးပေါင်းရင်းမြစ်များ

Matius 12:28

Apa ia ke mpakena' kuasan-Na Roh Allataala nnula'i setang, battuananna kumua ratumi Puang Allataala mangparenta susi Raja lan tangnga-tangngami.”

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

Yahya 3:19

Iamo tee dinii mpasalai to tolino kumua ratumo tama lino to arrang nnarrangngi, iamo to Anak, apa la'bih nakabudai to kamalillinan, iamo to kagajatan, nasaba' gaja'i to panggaukanna.

Yahya 9:39

Nakua Puang Isa, “Ratuna' tama lino la rra'tah kara-karana tolino, anna ia to tobuta la pakitai, na ia to topakita, la membutai.”

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

1 Korintus 1:20

Ia ke susii joo, te'damo bua'na to tomacca, guru agama sola to buda paissenna lan tee lino. Napangpekitanmo Puang Allataala kumua ia to kapaissenanna tolino te'da lalo angga'na.

1 Korintus 1:21

Sanga moi samatumbanna macca to tolino, te'da nakullei nnissen Puang Allataala mpake kamacanna. Apa macca to Puang Allataala. Iamo joo naeloranni dipangpeissenan to Kareba Kasalamatan, to nasanga tolino curita tangtongan, anna pasalama'i to tongkatappa'ii.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Efesus 6:12

Nasaba' tangngia padanta' rupa tau to taewa, apa nnewaki' sininna tomakuasa ba'tu to mparentai tee lino gaja', sola sininna setang to mangparenta jao langi' tee wattu.

Kolose 2:15

Nataloi Almaseh jao kaju sitamben to sininna tomakuasa ba'tu tomangparenta jao langi' anna te'damo nakullei mangpanggaukan. Napugaukki Puang Allataala susi joo nanii mpakasiri'i to tomakuasa ba'tu tomangparenta jao langi' anna pasusii to toditalo lumingka jio boko'-Na Almaseh na jolo to Almaseh susi topatalo.

Ibrani 2:14

Ia tuu lako to nasanga anak, tolino ia. Iamo namentolino Puang Isa, anna menjaji susi tuu lako anak. Napugaukki susi joo, dikua anna ia to kamatean-Na wa'dingngi ntaloi Ballisi' to ngkuasai kamatean.

1 Yahya 3:8

Ia to tompugauk tarruh dosa, napuanak Ballisi', nasaba' ia to Ballisi' iamo garonto'na dosa mammula jiona mai. Iami joo naratumo to Anak Allataala la ssabu'ii to jamanna joo Ballisi'.

1 Yahya 4:4

Ee, tokupuanak! Ia to kamu', napuanakmo kamu' Puang Allataala. Mangkamo kamu' ntaloi joo nabi tangtongan, nasaba' la'bih makuasa to Roh Allataala miampui na ia to roh naampui to tonnewa Puang Allataala.

1 Yahya 5:19

Taissen kumua napuanakmiki' Puang Allataala, moi nakuasaii Ballisi' to tolino tangnturu' Puang Allataala.