Yahya 12:23 - Alkitab Duri

²³ Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.

Yahya 12:23 ပူးပေါင်းရင်းမြစ်များ

Matius 25:31

Mpatarruhhi kadan-Na Puang Isa nakua, “Ia ke ratu pole'na' Aku', Anak Mentolino, sola sininna malaeka'-Ku' mpupangngarrang kamala'biran-Ku', la cumadokkona' jao cadokkoan mala'bih, angkumangparenta susi Raja.

Matius 26:45

Mangkai joo too, polemi lako to nanii tallu anak gurun-Na namangkada nakua, “Mamma' bang unapara kamu'ka mpessau bo'jo'mi? Kitai! Nadete'mi wattunna tee Aku', Anak Mentolino, la dipangbenna' lako kuasanna tomadosa.

Markus 14:35

Malemi ba'tu pirang-pirang tengkan, nasuju' massambajang nakua, “Oo Ambe', te'da to apa tanglawa'ding jaji, ke Kita'. Lendokanni tee kamaparrisan jio mai kale-Ku', ke wa'dingngi. Apa tangngia pakkaeloran-Ku' to la jaji, apa pakkaeloran-Ta' Kita'.”

Markus 14:41

Ia tonna mangpentallunnamo pole, nakuanmi to anak gurun-Na, “Mamma' bang unapara kamu'ka mpessau bo'jo'mi? Ganna'mi! Nadete'mi wattung-Ku' tee Aku', Anak Mentolino, la dipangben lako kuasanna tomadosa.

Yahya 12:16

Ia joo wattu te'dapa napahangngi to anak gurun-Na Puang Isa joo apa napugauk tau. Apa mangkamira dipakala'bih to Puang Isa tonna dipatuo pole'mo jio mai kamatean, namane' nningaranni kumua, mangkami diuki' lan Sura' Allataala joo napugauk tau lako Puang Isa.

Yahya 12:27

Nakua Puang Isa, “Gaja liah penawang-Ku'. Apara to la kupau tee too? La kukuaraka, ‘Oo Ambe', pasalama'na' jio mai tee kamaparrisan’? Te'da, sanga iamo joo nasuanna' Ambe'-Ku', angkuratu.

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)