Yahya 12:20 - Alkitab Duri

²⁰ Ia tuu lako tomale de' kota Yerusalem la massambajang ke pangramean Paskah, den too ba'tu pira-pira to-Yunani.

Yahya 12:20 ပူးပေါင်းရင်းမြစ်များ

Yahya 12:1

Annanpa allona namane' pangramean Paskah, ratumi Puang Isa jio kota Betania to nanii torro Lazarus, to mangka napatuo pole' Puang Isa jio mai kamateanna.

Yahya 12:19

Sipangkada-kadami to to-Farisi nakua, “Te'damo apa wa'ding tapugauk. Kita bangmi, sininna tau menturu' ngasanmi lako.”

Yahya 7:35

Sipangkada-kadai joo pekaamberan to-Yahudi nakua, “La male umborika ia tee tau, nate'damo tawa'ding ssitammuanni? La malerika lako to-Yahudi to torro jio tangnga-tangngana to-Yunani naajahhi to to-Yunani jio?

Jamanna Rasulu' 14:1

Ia to mangka jaji jio kota Antiokhia susi bang una to jaji jio kota Ikonium. Malemi Paulus sola Barnabas mentama bola passambajangan to-Yahudi namangngajahhi. Buda to-Yahudi sola to-Yunani memmatappa' lako Puang Isa.

Jamanna Rasulu' 16:1

Mpatarruhmi kalingkanna Paulus lako kota Derbe na lako kota Listra. Den tomatappa' lako Puang Isa jio disanga Timotius. Ia to indona to-Yahudi na tomatappa'mo lako Puang Isa, na ia to ambe'na to-Yunani.

Jamanna Rasulu' 17:4

Ba'tu pira-pira to tau memmatappa' na menturu' lako Paulus sola Silas. Buda toda to-Yunani, to mangngagama to-Yahudimo, memmatappa', na budapa to baine todipekapuangngi.

Jamanna Rasulu' 20:21

Tuli kupangngingaran la lako to-Yahudi na lako bangsa laen anna mengkatoba' jio mai dosana, na mpangben kalena lako Puang Allataala, na matappa' lako Puangta' Puang Isa.

Jamanna Rasulu' 21:28

Metamba nakua, “Ee, tulungkan kamu' to-Israel! Iamo tee tau to male bang nnajahhi sininna tau umbo-umbo nanii, mpake pangngajaran nnewa to-Israel, atoranna Nabi Musa na ia tee Bola Puang Allataala. Na ia too ssolan omi tau tangngia to-Yahudi tama Bola Puang Allataala ncarepai tee bola macero!”

Jamanna Rasulu' 8:27

Ta'pa male bang unami Filipus. Ia joo wattu den mesa' to-Etiopia pole massambajang jao mai kota Yerusalem. Ia joo tau tomapangka', ia nnissenan sininna ewananna Raja Kandake, raja baine jio tana Etiopia. Mangnguju lakoi tondokkona, na mbaca sura'na Nabi Yesaya jao karetana.

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

Roma 10:12

Na ia joo dipatuju lako ngasan sininna tau, la to-Yahudi, la lako bangsa laenna. Mesa'ra Puang Allataala lako sininna tau, Iamo mben barakka' lako sininna to meta'da tulung lako kale-Na.

Galatia 2:3

Ia to solaku' Titus, to-Yunani, te'da too nadiparuku massunna' situru' atoran agama to-Yahudi,

Galatia 3:28

Te'damo nadipasilaenan to-Yahudi na bangsa tangngia to-Yahudi, kaunan na tangkaunan, muane na baine, nasaba' sirapumo kamu' Puang Isa Almaseh tommidijio'.

Kolose 3:11

Iamo joo te'damo nadipasilaenan to umma'-Na Almaseh. Te'damo nadipasilaenan to-Yunani na to-Yahudi, todisunna' na totangdisunna', bangsa laen na bangsa to tangmessipa', kaunan na tangkaunan, nasaba' pada bang unaki' dipupenjaji tau baru. Almasehra to kaminang parallu na Iamo torro lan kita' sola ngasan.