Yahya 11:55 - Alkitab Duri

⁵⁵ Na ia joo wattu madoi'mo to pangrameanna to-Yahudi disanga pangramean Paskah. Na buda tau jio mai kampong malemo de' kota Yerusalem mpemaceroi kalena situru' atoran agamanna, namane' wa'ding mang-Paskah.

Yahya 11:55 ပူးပေါင်းရင်းမြစ်များ

Matius 26:1

Ia tonna mangka ngasanmo napangpangngajaran Puang Isa joo, nakuamo lako anak gurun-Na,

Matius 26:2

“Miissen kumua duang allopi na pangramean Paskah, na ia tee Aku', Anak Mentolino, la dipangbenna' kudipampang.”

Markus 14:1

Duang allopa na pangramean Paskah sola pangramean ngkande Roti Tangkeragi. Ia to kapala imang sola guru agama nnangah bang lalan la njokko buni Puang Isa anna bunoi.

Lukas 22:1

La nadete'mi to pangramean ngkande Roti Tangkeragi to disanga pangramean Paskah to-Yahudi.

Yahya 12:1

Annanpa allona namane' pangramean Paskah, ratumi Puang Isa jio kota Betania to nanii torro Lazarus, to mangka napatuo pole' Puang Isa jio mai kamateanna.

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 18:28

Melambi' unapa nasolanni to Puang Isa jio mai bolana Imang Lompo Kayafas, male lako salassa' gubernur to dinii mangra'tah kara-kara. Apa te'da namentama salassa' gubernur to pekaamberan to-Yahudi, dikua danggi' nacarepa situru' atoran agama, nawa'ding kumande kande Paskah.

Yahya 2:13

Ia joo wattu madoi'mo nadete' pangrameanna to-Yahudi disanga Allo Paskah, namale Puang Isa de' kota Yerusalem.

Yahya 2:6

Den annan busu batu sigaja tonggo jio, dipasadia dipanii wai la dipenje'ne' situru' ada'na to-Yahudi. Ia to mesa' busu agi-agi la saratuh litere' issinna.

Yahya 5:1

Mangkai joo too, den pangrameanna to-Yahudi, namale Puang Isa de' kota Yerusalem.

Yahya 6:4

Ia joo wattu madoi'mo nadete' to pangrameanna to-Yahudi disanga pangramean Paskah.

Jamanna Rasulu' 21:24

Iamo joo malemoko sola lako Bola Puang Allataala, musolanni mpemaceroi kalemu. Mubajaran tooi ongkoso' karobanna situru' atoran anna wa'ding mangpecakkuru', battuananna mangkami wattunna menjaji nazir. Ianna susi joo, la naissen ngasan tau kumua te'da pale' natongan to kada nasa'ding mpauko, nasaba' iko una, na mupugauk too to atoranna Nabi Musa.

Jamanna Rasulu' 21:26

Ia tonna masawanna nasolanmi Paulus joo tau a'pa', male sola mpamulai nceroi kalena. Mangkai joo too mentamami Bola Puang Allataala mpaui pirang allopa namane' mangka, na ia to karoba la napangkaroban sola a'pa'i.

Jamanna Rasulu' 24:18

Jiomo ntuu joo nanii ngkitana' ba'tu pira-pira to-Yahudi jio mai propinsi Asia, tongkumangka mpemaceroi kale lan Bola Puang Allataala. Te'dara tobuda kusolan, na te'da toora tau marongka joo wattu.

1 Korintus 11:28

Jaji, ia to tau pada la mparessa penawanna jolo', namane' ngkandei joo roti sola nniso'i joo anggoro'.

Yakub 4:8

Mandoppi' kamu' lako Puang Allataala, nalamandoppi' too lako kalemi. Ee, kamu' tomadosa! Danggi'mo mipugauk dosa. Na kamu' tomangdua penawa, pemeloi sipa'mi.