Yahya 11:53 - Alkitab Duri

⁵³ Mangpamulami joo wattu mesa' kadai to pekaamberan to-Yahudi la mbunoi to Puang Isa.

Yahya 11:53 ပူးပေါင်းရင်းမြစ်များ

Matius 12:14

Apa ia joo to-Farisi messunmi lan mai bola passambajangan, namale sipangkada-kada la mbunoi to Puang Isa.

Matius 16:21

Ia joo wattu napamulami Puang Isa mpauanni to anak gurun-Na kumua, “La malena' de' kota Yerusalem, anna pamaparri'na' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Matius 22:46

Moi mesa' tau te'da nnissenni mpebalii to Puang Isa. Mangpamulami joo wattu, moi mesa' tau te'damo barani ngkutanai.

Matius 26:4

Sipangkadami umbo nakua nnangah lalan la njokko buni Puang Isa anna bunoi.

Matius 26:59

Ia tuu lako kapala imang sola padanna Pangbicara Agama mpengkulle-kullei nnampa' kasa'bian tangtongan, la nanii mpasalai to Puang Isa, anna wa'ding dipangpebunoan.

Markus 14:1

Duang allopa na pangramean Paskah sola pangramean ngkande Roti Tangkeragi. Ia to kapala imang sola guru agama nnangah bang lalan la njokko buni Puang Isa anna bunoi.

Markus 3:6

Apa ia joo to-Farisi messunmi lan mai bola passambajangan, namale sipangkada-kada ba'tu pira-pira to tonturu' Raja Herodes la mbunoi to Puang Isa.

Yahya 11:47

Iamo joo na ia to kapala imang, sola to-Farisi mpangpesuanni nasirempun to padanna Pangbicara Agama, nasipangkadai nakua, “Apamora la tapugauk? Nasaba' ia joo tau gaja budamo tanda mejangngaran mangka napugauk!

Yahya 12:10

Na ia to kapala imang madoang too la mbuno Lazarus,

Yahya 7:1

Mangkai joo too, malemi Puang Isa ngguririkki tana Galilea. Cia'mi pole lako tana Yudea, sanga ia to pekaamberan to-Yahudi jio nnangah bangmo lalan madoang la mbunoi.

Jamanna Rasulu' 5:33

Gaja pallai tuu lako Pangbicara Agama tonna sa'dingngi joo, namadoang la mbunoi to rasulu'.

Jamanna Rasulu' 9:23

Ia tonna ba'tu pirang-pirang allomo, mesa' kadai to to-Yahudi la mbunoi.