Yahya 11:47 - Alkitab Duri

⁴⁷ Iamo joo na ia to kapala imang, sola to-Farisi mpangpesuanni nasirempun to padanna Pangbicara Agama, nasipangkadai nakua, “Apamora la tapugauk? Nasaba' ia joo tau gaja budamo tanda mejangngaran mangka napugauk!

Yahya 11:47 ပူးပေါင်းရင်းမြစ်များ

Matius 26:3

Ia joo wattu ia to kapala imang sola pekaamberan to-Yahudi sirempun jio salassa' Imang Lompo to disanga Kayafas.

Matius 5:22

Apa kukuan kamu' kumua, ia to tomabirih lako padanna rupa tau, la dipangngoloi lako tomangra'tah kara-kara, na ia to tongkada-kadai padanna rupa tau la dipangngoloi lako tomangparenta, na ia to tomangkada lako padanna rupa tau kumua, ‘Te'da iko bua'mu,’ sipato' dibuang tama api naraka.

Markus 14:1

Duang allopa na pangramean Paskah sola pangramean ngkande Roti Tangkeragi. Ia to kapala imang sola guru agama nnangah bang lalan la njokko buni Puang Isa anna bunoi.

Lukas 22:2

Ia to kapala imang sola guru agama nnangah bang lalan la mbuno buni Puang Isa, nasaba' malaja'i lako tobuda.

Yahya 11:57

Ia to kapala imang sola to-Farisi, mangkamo mpau parenta kumua, “Ia to tonnissenni to nanii torro Puang Isa, la napau nadijokko.”

Yahya 12:19

Sipangkada-kadami to to-Farisi nakua, “Te'damo apa wa'ding tapugauk. Kita bangmi, sininna tau menturu' ngasanmi lako.”

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 6:2

Gaja buda tau mpeundii, sanga nakitamo to tanda mejangngaran napaden ke mpamalagahhi tomasaki.

Yahya 7:32

Nasa'dingngi to-Farisi to tobuda ncurita membuni Puang Isa. Iamo joo namesa' kada sola kapala imang ssuai to ba'tu pira-pira pangjagana Bola Puang Allataala la njokkoi.

Yahya 7:45

Ia to pangjagana Bola Puang Allataala, to nasua kapala imang sola to-Farisi njokko Puang Isa, polemi, nakutanaii nakua, “Ciapari na te'da misolanni Puang Isa jio mai?”

Jamanna Rasulu' 5:21

Naturu'i joo kadanna, na masawanna melambi' mentamami Bola Puang Allataala mangngajahhi. Ia joo wattu ia to Imang Lompo sola taunna mpangpesuanni nasirempun to Pangbicara Agama, iamo to sininna pekaamberan agama sola pekaamberan to-Israel. Napangpesuanni to rasulu' nadipasun lan mai pangtarungkuan, nadibawa ratu mangngolo.

Jamanna Rasulu' 5:24

Ia tonna sa'dingngi kapala pangjagana Bola Puang Allataala sola kapala imang joo kadanna, pussakmi ntangngahhi kumua ba'tu la apamo jaji lako to rasulu'.