Yahya 11:4 - Alkitab Duri

⁴ Ia tonna sa'dingngi Puang Isa joo kareba nakua, “Ia tee saki te'da anna la mpumatei, apa la mpamanassari kamala'biran-Na Puang Allataala sola Aku', Anak Allataala.”

Yahya 11:4 ပူးပေါင်းရင်းမြစ်များ

Yahya 10:38

Apa ia ke kupugaukmi joo jaman nasuanna', micia' ngkatappa'ina', ia bangmo joo jaman kupugauk mikatappa'i kumua jaman pole jio mai Puang Allataala. Na ia minii mpahang tonganni kumua Ambe' memmesa' sola Aku', na Aku' memmesa' sola Ambe'.”

Yahya 11:40

Mebalii Puang Isa nakua, “Mangkako kupauan kumua la mukita to kamala'biran-Na Puang Allataala, ke matappa'ko!”

Yahya 12:28

Oo Ambe' pakala'bihmi sangam-Mi!” Ia tonna mangka mpaui susi joo, den gamara jao mai suruga nakua, “Kupakala'bihmo, na la kupakala'bih unapa!”

Yahya 17:1

Ia tonna mangkamo Puang Isa mpaui joo, mentingngarami de' langi' nakua, “Oo Ambe', nadete'mi wattunna. Pakala'bihmo' tee Aku' Anak, angkupakala'bih tooki'.

Yahya 17:10

Sininna to taung-Ku' taun-Ta' too, na sininna to taun-Ta' taung-Ku' too. Na ia to kamala'biran-Ku' pajan lan tangnga-tangngana tuu lako taun-Ta'.

Yahya 17:5

Oo Ambe'! Pakala'bihmo' tee too. Ben pole'mo' to kamala'biran kuampuimo tontasola unapa, tonna te'dapa nadipaden tee lino.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Yahya 8:54

Mebalimi Puang Isa nakua, “Ia ke la kupakala'bihhi to kale-Ku', moi ci'di' te'da bua'na. Apa Ambe'-Ku'ra mpakala'bihna'! Ia toomo misanga Puangmi.

Yahya 9:24

Natambai pole' omi pekaamberan to-Yahudi joo tomangka buta nakuanni, “Massapahko lako Puang Allataala kumua la mupau to tonganna. Kiissen kumua tomadosa joo tau.”

Yahya 9:3

Mebalimi nakua, “Te'da na dosana tee tobuta ba'tu tomatuanna, apa dikua anna dipapajan to kuasan-Na Puang Allataala.

Roma 11:11

Mekutana pole'na': Melolinraka to to-Yahudi dikua nate'damo napuumma'i Puang Allataala? Te'da nasusi joo! Ia to bangsa laen dipasalama', nasaba' dosana to to-Yahudi, dikua anna masere ati to to-Yahudi lako joo bangsa laen.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.

1 Petrus 4:14

Ia ke dicapa'-capa' kamu' sanga taun-Namo kamu' Almaseh, la masannang kamu', nasaba' ia joo mpamanassai kumua nakuasai kamu' Roh Mala'bih, iamo to Roh Allataala.