Yahya 11:38 - Alkitab Duri

³⁸ Maranna' pole'i Puang Isa, namale lako liang. Liwa' tonggo joo liang, naditungu'i batu to babana.

Yahya 11:38 ပူးပေါင်းရင်းမြစ်များ

Matius 27:60

namane' mpatamai liang baru to nagaraga Yusuf jio buntu batu. Mangkai joo too nalentenni to batu tonggo natungusanni joo liang, namane' male.

Matius 27:66

Malemi nasolan joo surudadu, nasua ntungu'i meloi joo liang najagai tonganni.

Markus 15:46

Naallii Yusuf to kaen pebalun lenan, namane' mpupellaoi joo batang rabuk jao mai kaju sitamben, anna balunni. Mangkai joo too, napatamami liang to digaraga jio buntu batu, nalentenni to batu tonggo natungusanni joo liang.

Markus 8:12

Nna'danmi Puang Isa namebali nakua, “Ah, ciapari tee tau too allo napeta'dai kumua la kupakitanpi tanda mejangngaran, namane' la ngkatappa'ina'? Te'da! Te'da lalo kulampakitanni.”

Lukas 24:2

Nakitami to batu petungu' liang mangkamo dilentenni,

Yahya 11:33

Ia tonna kitami Puang Isa to Maryam mbating sola to to-Yahudi nasolan ratu, massemi penawan-Na namaranna'.

Yahya 20:1

Ia tonna marimu-rimu unapa joo allo Aha', malemi Maryam Magdalena lako liang-Na Puang Isa. Nakitami to batu petungu' liang tigesu'mo jio mai ba'ba liang.